Condom na pangpasuwerte
Dear Vanezza,
Aatakihin ako sa puso nang makita ko na may red condom ang anak kong lalaki sa wallet niya. Katuwiran ay bigay lang daw ito sa kanya ng kaibigan niya para pangpasuwerte. Lahat daw silang magbabarkada ay merong condom sa wallet. Hindi naman gamit ang condom dahil mukhang luma pa. Pero kahit na ‘di ba? Sixteen lang ang anak ko may condom na. Nalaman ko sa mga kumare ko pati anak nila ay meron din, bigay nga lang daw dahil ito ang usong pangpasuwerte ngayon. Tama ba ‘yon? - Carmen
Dear Carmen,
Kumalma ka at kausapin nang mahinahon ang iyong anak. Ituwid ang kanilang isipan at gabayan sa ganyang bagay. Pakausap mo sa tatay niya at turuan siya ng dapat gawin tungkol sa sex kaysa sa iba pa niya matutunan ito. Dahil habang pinipigilan ay lalong nagiging agresibo ang mga bata ngayon. Kaya imbes na magwala ay turuan ang anak ng tamang aspeto sa sexual na bagay.
Sumasainyo,
Vanezza
- Latest
