Nose Extension

Marami sa atin ang mahilig mag-ahit ng buhok sa iba’t ibang parte ng ating katawan kabilang na ang kilay, underarm, bigote, balbas, hita, at sa iba pa kabilang na sa maseselang bahagi ng ating katawan.

Sa mga kalalakihan naman, isa sa mino-monitor nila ay ang paglago ng buhok sa kanilang ilong. May ilan pa nga na halos araw-araw kung maggupit nito.

Pero kakaiba ang naisip ng may-ari ng Instagram account na @gret_chen_chen. Nag-trending ang kanyang post kung saan may makapal siyang buhok sa ilong.

Katunayan, hindi naman talaga ito buhok kung hindi eyelash extension na inilagay niya lang sa kanyang ilong.

Marami nga ang naaliw at gumaya sa pakana na ito ni Gret at na-feature pa sa international news website na Metro at BBC.