Rhian, ‘di pa rin naiisip ang kanilang panalo sa driver na nagdemanda!

Hindi pa nagsi-sink in kay Rhian Ramos ang pagkakapanalo niya at ng mga kaibigang sina Michelle Dee at Samantha Panlilio sa mga kasong isinampa laban sa kanila ni Bonifacio “Totoy” Baro.

Matatandaang naging kontrobersyal ang nasabing kaso against Rhian’s former driver nang magsampa ito ng slight illegal detention, slight physical injuries, maltreatment and unlawful arrest laban sa tatlo noong nakaraang Enero, 2026.

Nitong nakaraang Sept. 14 (Monday) ay lumabas na ang resolusyon ng Office of the City Prosecutor of Makati na nagsasaad na idini-dismiss na ang kaso dahil sa kakulangan ng ebidensya.

Nang makausap namin si Rhian sa mediacon kahapon para sa upcoming RMA Studio Academy’s grand annual concert titled Destination: World Stage ay nahingan namin siya ng reaksyon tungkol dito.

Ayon sa aktres, nalaman din daw niya ang balita last Monday habang nasa taping siya kaya hindi pa raw siya nagkakaroon ng oras para isipin ito. “You know what, I found out yesterday at the same time as the rest of everyone, so, I didn’t have like any advance knowledge or whatever, and I was at the taping, it was my first day there, I really did not have time to really process what’s happening,” aniya.

“And then, today, when I woke up, I had to go here (RMA Studio Academy mediacon), so, I think, it’s just going to sink in pa lang tonight,” dagdag niya.

Hindi pa rin sila nagkakausap ni Michelle tungkol dito?

“Hindi nga, eh. Actually, I’ve been wanting to. Because I was also just caught by surprise today, so I’ve been wanting to, but yeah, we’re just really busy,” sey ng aktres.

When asked kung ano ang reaction niya sa balitang maghahain ng Motion for Reconsideration ang dati niyang driver, ayon kay Rhian ay wala pa rin daw siyang alam tungkol dito.

“I just know just as much as anyone else lang. I only know what I’m reading online and I don’t know also how accurate everything is. I always have to guard myself with how accurate everything is, so I think I’m gonna have conversation pa about it before I answer that,” pahayag ni Rhian.

Samantala, Rhian has been a student of RMA Studio Academy for years now at lagi niyang sinusuportahan ang taunang concert ng nasabing akademya.

Pangatlong concert na niya ito with RMA at sey niya, “I love being with RMA and supporting also everything that they do kasi nga they really make a safe space for people to express themselves through music. So, I’m very lucky to be friends with these people, I’m very lucky that they help me out if ever I have a live performance, they train me before it also, so yeah, I’m looking forward to these year.”

Isa si Rhian sa featured performers sa RMA Studio Academy’s upcoming grand annual concert scheduled on Nov. 5, 2026, at the Proscenium Theater in Makati City.

Janice, ‘di pa rin kayang makatrabaho si John

Hanggang ngayon ay hindi pa rin pala ready si Janice de Belen na makatrabaho ang dating asawang si John Estrada.

Nabanggit na ito before ng aktres at muling naitanong sa kanya sa Stars on Stars guesting nila ng kapatid na si Gelli de Belen.

Pareho pa rin ang sagot ni Janice with the same reason.

“Hindi pa rin. My reasons are still the same. Kung magiging problema lang kami para sa mga direktor, katrabaho, sa producer, it’s unfair to them,” sagot niya sa tanong ni Gelli.

Matatandaang sa panayam sa Jeepney way back ay sinabi naman ni Janice sa anak na si Kaila Estrada na willing siyang makatrabaho ang ex-boyfriend na si Aga Muhlach pero hindi si John.

“Aga, yes. I would be open to working with him. Your dad? No. Alam mo kasi, hindi kami naging mag-asawa ni Aga, so it’s different. The relationship is different. It’s different with your dad kasi naging mag-asawa kami. ‘Yung disagreements namin were not tiny disagreements. The reason for us separating, it’s not a tiny thing, it’s not just a disagreement,” saad ni Janice.

Nabanggit na rin noon pa ng aktres na hindi sila friends ni John.