Luis, naka-move on na sa kapalaran sa eleksyon

Moving on na si Luis Manzano matapos ngang hindi palarin sa kanyang pagtakbo bilang Vice Governor ng Batangas nitong katatapos lang na eleksyon.

Sa kanyang latest Instagram post ay ipinahayag ng TV host ang interes sa pagbabalik sa hosting. Humingi siya ng suggestion kung anong show niya ang gusto ng netizens na ibalik.

“Ano mas trip ninyo bumalik? Rainbow rumble, deal or no deal, or minute to win it?” tanong ni Luis.

Sey pa niya, “game!”

Sumagot naman ang misis niyang si Jessy Mendiola ng “Rainbow Rumble!!!!!”

Nakisali rin ang ibang mga artista at kanya-kanya sila ng shows na gusto.

“Rainbow Rumble” rin ang sagot ni Melai Cantiveros habang si John Prats ay ‘yung tatlo raw.

Sey naman ni Robi Domingo ay “It’s Your Lucky Day” na matatandaang noontime show na umere for 12 days bilang pansamantalang kapalit ng It’s Showtime na nasuspinde ng MTRCB. It was hosted by Luis, Melai, Robi at marami pang iba.

Alden, inamin kay Tom Cruise ang kanyang pangarap

Matagal na palang idol ni Alden Richards ang Hollywood superstar na si Tom Cruise kaya naman sobrang happy siya nang makaharap at makausap niya ito nang personal kamakailan nang dumalo siya sa isang event sa South Korea.

Matatandaang last week ay ipinost ng aktor sa kanyang Instagram ang video ng pagkikita nila ni Tom Cruise at caption niya rito, “Ethan meets Ethan…I have no words!”

Makikita sa video na nagkamay pa silang dalawa at nag-usap ng ilang sandali.

Sa panayam ng GMA 7 kay Alden, sinabi niya na si Tom Cruise ang kanyang idolo at inspirasyon noon pa man.

“I have watched all the Mission Impossible films, and I am so impressed with how he takes his craft very seriously, but more importantly, nakita ko siya as a person during that time that I have met him,” aniya.

Ibinahagi rin ng aktor ang kanilang pinag-usapan ng Mission Impossible star.

“Paglapit ko sa kaniya, I basically told him that my name is Alden Richards, ‘I am an actor from the Philippines and I have been in the industry for 15 years. Can I just say that because of you, I have so much passion for the craft, especially when I do action scenes for different projects. I don’t ask for stunt doubles because you do all your stunts. Because of you, I wanted to train and to be a reservist pilot for the Philippine Air Force, and because of Top Gun Maverick,” kwento ni Alden.

Ayon pa sa aktor, isa raw ito sa surreal moments sa kanyang buhay.

Ipinadala si Alden ng Paramount Pictures para dumalo sa premiere night ng Mission Impossible – The Final Reckoning sa Seoul, South Korea.