Marian, naging busy sa pagluluto sa Mother’s Day

Naging busy sa Mother’s Day si Marian Rivera.

Pinagluto niya ang pamilya ng paborito nilang menudo.

Kaya naman sabi ni Dingdong Dantes, napahinga siya nang malalim.

Kalakip ang ilang photos at isang video habang nagluluto ang misis: “Sa halip na siya ang pagsilbihan sa araw na ito, siya pa ang nagpumilit magluto ng paborito naming menudo.

“Sino ba naman ang hindi mapapahinga nang malalim sa bango pa lang, sabay sabing, “Ay, eto na nga ang original ni Ingkang.”

“Ang tagal na naming hindi natikman ’to – kaya bawat halo niya sa kaldero, parang yakap na abot hanggang puso’t bituka mo.

“Happy Mother’s Day sa reyna ng aming tahanan – kahit araw niya, inuuna pa rin kaming alagaan.

“Pati tiyan namin, hindi nakaligtas sa lambing at halinghing ng kanyang lutuin.”