Maris, pasabog ang pag-i-Italian!

Ang bongga ni Maris Racal na nagsalita raw ng Italian sa pag-premiere ng pelikula niyang Sunshine sa Far East Film Festival na ginanap sa Udine, Italy.

Ipinost niya ang video habang nasa stage sila ng director ng pelikulang pinagbidahan niya na si Antoinette Jadaone at mahaba-haba rin ang sinabi nito sa salitang Italian.

Kinabiliban si Maris dahil maski nga ang director na kasama niya ay ‘di inasahan ang pasabog niya.

Mukhang talagang pinaghandaan niya iyon at nakasuot pa siya ng Filipiniana.

Pinalakpakan siya ng mga dumalo roon na halos mga Italyano ha.

Emosyonal din siya nang first time niyang mapanood ang pelikula niya roon.

Wala talagang duda ang pagiging talented ni Maris na iba talaga ang dedikasyon sa craft niya at willing talaga siyang mag-improve.

Sa lahat nga ng proyekto niya ay talagang bigay todo lagi si Maris kaya walang duda na malayo pa ang mararating niya.

Imagine sa kabila ng kontrobersiyang kinasangkutan nila ng ka-loveteam na si Anthony Jennings ay heto siya na parang walang nangyari.

Sigurado namang natuto na siya sa nangyari noh.

Kaya kahit anong pamba-bash kay Maris, siya pa rin ang winner.

Deserved talaga niya.

Bongga.