Pope Francis, may bilin ng simpleng burol
Malungkot na naman ang araw ko kahapon dahil sa pagpanaw ni Pope Francis na panganay pala sa limang magkakapatid na mula sa Buenos Aires, Argentina.
Namatay si Pope Francis noong Lunes ng Pagkabuhay, Abril 21, 2025, sa edad na 88 sa kanyang tirahan sa Casa Santa Marta ng Vatican.
Maalalang ang Papa ay na-admit sa Agostino Gemelli Polyclinic Hospital noong Pebrero 14, 2025, matapos dumanas ng bronchitis sa loob ng ilang araw.
Unti-unting lumala ang sitwasyon ni Pope Francis, at na-diagnose ng kanyang mga doktor ang bilateral pneumonia noong Martes, Pebrero 18.
Matapos ang 38 araw sa ospital, bumalik ang yumaong Papa sa kanyang tirahan sa Vatican sa Casa Santa Marta upang ipagpatuloy ang kanyang paggaling.
Ayon kay Arsobispo Diego Ravelli, Master of Apostolic Ceremonies, hiniling ng yumaong Pope Francis na pasimplehin ang funeral rites at ituon ang pansin sa pagpapahayag ng pananampalataya ng Simbahan sa Buhay na Katawan ni Kristo.
Kaya ipagdasal natin ang kaluluwa ni Pope Francis kahit alam naman nating lahat na makakarating siya sa langit dahil sa mga kabaitan niyang ipinakita simula sa kanyang pagkabata.
Salamat sa magagandang paalala, Pope Francis.
- Latest
