Ka-matching tattoo ni Philmar, rumesbak kay Andi

Nagsalita na rin si Pernilla Sjöö, ang Swedish underwater photographer na nauugnay ngayon sa partner ni Andi Eigenmann na si Philmar Alipayo.

Matatandaang sa mga post ni Andi nitong mga nakaraang araw ay inihayag niya ang problema sa relasyon nila ni Philmar at mayroon siyang tinutukoy na friend na nag-betray sa kanya.

Base sa post ni Andi, ang friend niyang ito ang nag-encourage kay Philmar na magpalagay ng matching tattoo sa braso nila.

Lumalabas din na ang friend niyang ito ang dahilan ngayon ng away nina Andi and Philmar.

Hinala ng netizens, si Pernilla ang tinutukoy ni Andi matapos lumabas ang larawan ng nasabing foreigner at ni Philmar na ipinapakita ang kanilang matching tattoo.

Kaya naman katakut-takot na pamba-bash ang natatanggap ngayon ni Pernilla at tinatawag siyang homewrecker at kung anu-ano pang masasakit na salita.

Sa kanyang Facebook page ay inihayag ni Pernilla ang kanyang saloobin at nakiusap na huwag naman daw siyang i-bash.

“I just don’t understand why some people have so much hate in their minds and bodies. I hope that if you ever make a hurtful comment, you can still sleep peacefully at night and smile knowing you’ve caused someone pain
I’m still human din naman. I still feel hurt, and when it’s too much, it cuts deep,” pahayag ng Swedish national.

“I hope you never become the reason someone cries themselves to sleep or questions their worth — as­king why they weren’t good enough,” saad pa niya.

Sinabi rin niyang sana raw ay maging “kind” naman ang mga netizen.

“We’re all going through something. Can we at least try to be kinder to one another?” aniya.

“Never judge someone without knowing the whole story. You may think you understand, but you don’t,” pagtatapos pa ni Pernilla.

Ang hinihintay ng lahat ay ang diretso sanang pag-address niya sa akusasyong ipinupukol sa kanya or pag­lilinaw man lang sa matching tattoo nila ni Philmar, pero walang nabasa ang publiko tungkol dito.

Kaya naman hindi solved ang netizens sa kanyang statements at patuloy pa rin siyang bina-bash.

Ogie, ‘di malapitan si Regine!

Medyo masama ang pakiramdam ni Ogie Alcasid kaya hindi raw ito lumalapit ngayon sa asawang si Regine Velasquez.

Ipinost ni Asia’s Songbird ang larawan ni Ogie na nag-iisang nasa balkonahe at aniya, ayaw raw lumapit sa kanya ng mister dahil baka mahawa siya’t maapektuhan pa ang kanyang upcoming concert next week.

“He’s been feeling sick for a while now so he’s not coming near me I should be taking care of him but he doesn’t want me to get sick coz I’m having a concert. Baba I love you baba and I miss you so much,” caption ni Regine.

Nag-post din kahapon si Ogie at ibinahagi niyang mayroon siyang ubo. Sa kabila nito ay tuloy pa rin ang kanyang show sa City of Dreams kagabi.

“Lord sing for me tonight. The cold and the cough have not dissipated but your fire in my heart will never cease. Hallelujah,” pahayag ni Ogie.