Thai-Irish model-actor, nawindang kay Herlene!
Tiyak na nakaranas ng “culture shock” ang Thai-Irish model-turned-actor na si Kevin Dasom sa mediacon ng Binibining Marikit na bida si Herlene Budol.
Hindi pa marunong makaintindi ng Tagalog si Kevin kaya hindi niya alam ang mga off-the-record chika ni Herlene. Panay ang tanong niya kay Tony Labrusca kung bakit nagtatawanan ang mga tao kapag nagsasalita si Herlene.
Dahil first teleserye ito ni Kevin, maganda ang naging experience niya lalo na raw nung nag-taping sila sa Japan last year.
Ang masasabi niya kay Herlene ay: “Probably the best leading lady that GMA can offer right now, in my opinion. If I would rate her? I don’t think 10 does justice. Ten does not do Herlene justice.”
Sa tangkad na 6’2”, dalawang beses na siyang nanalo sa male pageants. Una as Mister Supranational Thailand 2018 at pangalawa as Manhunt International 2024.
Bukod sa modeling, mahusay rin sa larong basketball si Kevin.
Pumirma ang isa sa hottest hunks of Thailand with Sparkle noong December 2024.
Beyonce, first time natalo si Taylor
For the first time ay nagwagi si Beyonce ng Album of the Year sa katatapos lamang na 67th Grammy Awards. Para ito sa country album niya na Cowboy Carter.
Pagkatapos ng ilang taong natatalo siya sa naturang category, sa wakas ay nanalo na rin siya at isa sa natalo niya ay si Taylor Swift. “I just feel full and very honored. It’s been many, many years. I just want to thank the Grammys, every songwriter, every collaborator, every producer, all of the hard work,” sey ng singer sa kanyang acceptance speech.
Napanalunan din ng Cowboy Carter ang Country Album of the Year at Best Country Duo/Group Performance for II Most Wanted with Miley Cyrus.
- Latest
