Pagpapaseksi ni Kathryn, Aprubado ni Daniel

Sa pagdiriwang ng ika-27th birthday ni Kathryn Bernardo last March 26, may pasabog ang aktres sa kanyang fans. Last Monday ay inanunsyo na niya ang dalawang bagong projects na gagawin niya this year.

Bibida si Kathryn sa pelikulang A Very Good Girl kung saan ay makakasama niya ang ang award-winning actress na si Dolly de Leon. Ito ay mula sa direksyon ni Petersen Vargas na first time niyang makakatrabaho.

Ang isa pang movie na gagawin ni Kath ay ang historical film na Elena 1944 na ididirehe ng premyadong direktor na si Olivia Lamasan under Black Sheep.

Inanunsyo ito ni Kathryn sa New Movie Alert video ng ABS-CBN at Star Cinema released last Monday.

Mauuna munang gagawin ang A Very Good Girl na isang dark comedy at ayon kay Kathryn ay magsisimula na raw silang mag-shoot very soon at ipapalabas this year.

Sabi pa ni Kathryn, “I personally asked for this na after 2 Good 2 Be True I want something na genre na hindi ko pa nagagawa before. Dark-comedy, I love watching dark comedy series or movie but then ‘yung gagawin ko ‘yon for sure it will be challenging but I am accepting the challenge and let’s do this Petersen.”

Sa Elena 1944 naman ay gaganap si Kathryn bilang isang comfort woman during Japanese occupation at ayon sa aktres, taong 2019 pa raw ito na-pitch sa kanya pero hindi pa siya ready noon.

Ngayong 27 na siya ay pinayagan na raw siya ng ina at ng kanyang boyfriend na si Daniel Padilla na gawin ang movie.

“I turned 27 and mas ready na si Deej (Daniel), mas ready na si mama, I think ‘yung fans,” sey ni Kathryn.

Ayon kay direk Olive, transition daw talaga ang film na ito for Kathryn dahil magiging daring na for the first time ang aktres.

When asked kung paano na si Daniel since hindi name-mention na kasama ang aktor sa mga nabanggit na proyekto, ayon kay Kath ay magkakaroon daw ng ibang announcement for DJ.

“I’ll be doing a movie with DJ right after A Very Good Girl so I think ‘yung mga fans naman, sa kanila na rin kasi nanggaling which is ‘yun ‘yung natutuwa at na-proud ako sa fans namin na KathNiel and individually because they allow us to grow and they let us do what makes me happy, what makes DJ happy,” ani Kath.

Dagdag pa niya, “Si DJ, KathNiel will always be there. ‘Yun naman ‘yung parati kong sinasabi and ang importante, kami ni DJ off-cam, kami, nagsusuportahan sa isa’t isa.

“And sa mga gagawin ni DJ in the future, 100% susuportahan ko siya kasi alam ko na masaya rin siya sa gagawin niya.”

Pahabol pa ni Kathryn, “mayroon kaming gagawin (ni DJ) individually but meron pa rin (KathNiel movie) under direk Cathy (Garcia-Molina). So binigyan lang siguro namin ng time because we both needed to do this and approved ‘to naming dalawa and excited din ako what’s in store for DJ.”

So, confirmed na tatlo ang gagawing movies this year ni Kathryn, at ang dalawa rito (A Very Good Girl and Elena 1944) ay hindi kapareha si Daniel.

Matatandaang last December 2022 pa nai-announce na may gagawing movie ang KathNiel under direk Cathy.