Alden, sumisid ng mga basura!

Tinanggap ni Asia’s Multimedia Star Alden Richards ang invitation ng Century Tuna’s SOS (Saving Our Seas) campaign for a better and cleaner world, for an ocean clean-up drive in Batangas last Saturday, March 25 (kaya wala siya sa Eat Bulaga).

Ginawa ang kick-off clean-up drive sa Anilao, Batangas, with partnership sa HOPE’S Aling Tindera Waste-To-Cash program.

Mahusay palang diver si Alden at ipinakitang isa siya sa mga nag-dive sa ilalim ng dagat para mangolekta ng plastics at ma-recycle ang mga ito, to pre-vent plastic pollution. In-introduce rin nila ang Plastic-Palit-Pera na kahit sinong makaipon ng plastics ay pwede itong ipalit ng pera sa Aling Tindera Waste-To-Cash program.

The group aim to achieve their goal of collecting 10 metric tons of plastics by the end of the year.

Bumalik din siya sa Manila after the Anilao event, para tanggapin ang award niya mula sa 2022 Philippine Esports Awards at the UP Diliman Campus, as the Gaming Community Positive Influencer of the Year. Kasama niyang nanalo rin ng award si Kapuso actress Myrtle Sarrosa as Best Esports Cosplayer of the Year.

Gerald, naka-first time sa GMA

First time tumapak sa GMA studio si Kapamilya actor Gerald Anderson, at first time rin niyang maggi-guest sa isang GMA show, ang Family Feud.

Nag-taping na ang show last Saturday, bilang promotion ng Unravel movie nila ni Kylie Padilla na isa sa entries sa First Summer Metro Manila Film Festival. Magiging magkalaban sa game ang group ni Gerald at group ni Kylie.

First time ring nag-meet ang Family Feud host na si Dingdong Dantes at Gerald.

“First time ko sa Family Feud and first time ko rin dito sa GMA, so it’s very exciting, mababait ang mga staff, so I’m very excited to play,” sabi ni Gerald. Ang said episode ay mapapanood this April, sa week-long first anniversary celebration ng Family Feud.

Althea at Shayne, minalisyahan ang closeness!

Pinagdudahan pala noong una ang closeness ng mga bida ng GMA Afternoon Prime drama series na AraBella nina Althea Ablan at Shayne Sava, dahil madalas silang magkasama sa mga TikTok dance videos nila, wearing identical bracelets.

Pero nagpaliwanag ang dalawa na talagang close na sila simula pa nang magkasama sila sa lock-in taping ng serye, kasama si Camille Prats.

Wala raw competition sa kanilang dalawa, maliban nga lamang sa roles na ginagampanan nila, dahil si Shayne as Ara ay mabait at si Althea as Bella ay supladita kaya lagi silang nag-aaway.

Kung umamin is Althea na sila na ng kapwa Sparkle artist na si Prince Clemente, mas concern pa rin sila sa kani-kanilang career. Okey raw naman si Abdul Rahman ang ka-loveteam ni Shayne, pero sa isang tabi muna ang love, darating daw iyon sa right time.