Fans, affected sa Unica Hija

Ang bongga ng Unica Hija. Patindi na nang patindi ang mga eksena sa high-rating GMA Afternoon Prime series!

Nagkita na ang mga karakter nina Katrina Halili at Kate Valdez. Ginagampanan nila ang ina at ang human clone ng kanyang anak. Na-excite at naiyak daw ang mga manonood sa eksenang iyon na pinakahihintay nilang reunion ng dalawa. Napalundag daw sa rami ng ganap ang fans at ‘di napigilang maging emosyonal sa rami ng pagsubok ng karakter ni Hope na ginagampanan ni Kate. Humanga raw sila sa dalawa. Wish pa nila ay hindi na magkahiwalay ang mga ito.

Ang tanong naman ng fans ngayon ay kung matanggap kaya ni Diane na ginagampanan ni Katrina ang clone ng kanyang unica hija? Dalang-dala rin sila matapos mabisto ang panloloko ni Faith Da Silva na nagpanggap bilang anak ni Katrina. Talagang pinanggigilan din siya ng netizens.

Talagang affected ang mga manonood sa serye. Siguradong ‘di nila palalampasin ang mga susunod na eksena. Bongga.