Daniel gustong sumubok ng bago, Kathryn inaming namimili na ng papatulan!

Maagang Valentine’s Day treat para sa KathNiel fans ang pagpapakilala ng value mobile brand TNT kay Daniel ‘DJ’ Padilla bilang bagong endorser nito, kasama ang kanyang ‘real and reel life’ partner na si Kathryn Bernardo.

Binansagang ‘Supreme Idol’ ng kanyang henerasyon dahil sa kanyang karisma at talento, si DJ ay kasama ni Kathryn sa TVC campaign Doble GIGA+50, ang TNT promo na may mas malaking  8 GB data plus Unli Texts to All Networks, valid for three days, sa halagang P50.

“I’m happy and grateful to join TNT kasama si Kath. Together, we’re excited to keep the saya and kilig going for our fans and for the millions of TNT subscribers nationwide,” saad ni DJ.

“We’re very excited to have Daniel at finally makumpleto ang KathNiel sa patuloy na lumalaking Tropang TNT. We look forward to collaborating with them to give more saya to Filipinos through our value-packed offers, powered by our stron­gest and widest network, ” saad naman ni Francis E. Flores, SVP and Head of Consumer Wireless Business-Individual at Smart.

Ito ang latest project ng Kath­Niel matapos ang hit TV series nilang 2 Good 2 Be True, na kinagiliwan ng maraming fans at naging trending topic sa social media mula Mayo hanggang Nobyembre 2022.

Ang 2 Good 2 Be True ay available ngayon sa Netflix, at isa sa mga most-viewed series ng nasabing platform sa Pilipinas na ngayon nga ay mas madali nang mapanood ng fans ang hit series gamit ang Doble GIGA VIdeo+ 50 promo.

Nang tanungin kung paano nila napapanatili ang saya sa kabila ng sunud-sunod na projects, ‘quality time’ kasama ang mga kaibigan at loved ones ang kanilang parehong tugon.

“‘Pag free days, I spend time with Kath or eat together with my family and katropa. I also play basketball and golf,” saad ni Daniel.

“I like to treat myself to some “me time” once in a while. Gusto ko sa free days ko pina-pamper ko ‘yung sarili ko, which for me means spending time with my friends and family, and also surrounding myself with people around me who give me happiness. I like to appreciate the people around me and find happiness through them,” saad naman ni Kathryn.

Ano naman ang plano nila ngayong 2023?

“I hope to explore new projects and roles na ‘di ko pa nagagawa. I also hope to be able to perform my music again to a live audience, at sana maging active na ang ‘Johnny Moonlight’ production outfit ko,” ani Daniel. “For 2023, I just want to continue learning new things. I just finished 2 Good 2 Be Tru but I feel like there’s still a lot to be explored for me to improve my craft in acting, and I’m looking forward to trying new things that will challenge me. Second is to protect my peace. As much as possible, I choose my battles and find a way to protect that inner peace,” dagdag ni Kathryn.

Lani Mercado, adik na rin sa K-drama

Faney na faney na rin pala sa Korean dramas si Representative Lani Mercado.

Mismong si Sen. Bong Revilla ang nabuking na madalas napupuyat ng kanyang misis dahil sa K-dramas.

Pero walang particular na favorite si Rep. Lani, basta maganda raw, pinapanood niya.

At nadadamay ang senador sa misis dahil sa panonood nito.

Hanggang anong oras siya nanonood, tanong namin, sa birthday blowout ng mag-asawa sa kaibigang Gorgy Rula, the other night.

“Minsan mga hanggang 2:00 a.m.,” sabay ngiti ng dating actress na handa na ulit tumanggap ng trabaho in case na may magandang offer.

“Kaya nga napupuyat din ako. Kasi minsan nanonood na rin ako,” dagdag ni Sen. Bong na malamang na may gawing teleserye this year.

Anyway, hiniling ngayon ni Sen. Bong na maipasa na ang panukalang batas na naglalayong ayusin ang kapakanan ng mga field reporter, news writer, cameramen, photographer at iba pang media at entertainment worker sa pamamagitan ng pagbibigay sa kanila ng higit na proteksyon at institutionalized social security benefits.

“The Constitution guarantees the freedom of the press. It recognizes the invaluable role of the free press to a vibrant, working democracy and to the overall development of our society,” ayon sa paliwanag ng nasabing bill na authored ni Sen. Bong.