‘Nakakakilig at nakaka-touch’
Alam mo, Salve, totoo na ayaw ko sana dinadalaw ako ng mga alaga ko sa hospital. Pero aaminin ko, kinikilig at touched na touched ako ‘pag pumupunta sila. Actually, parang gusto kong maiyak ‘pag nakikita ko sila sa room ko sa dialysis treatment.
Alam ko na puno rin and sked nila pero isinisingit pa rin nila ang pagdalaw sa akin.
At isa sa talagang tumatak sa puso ko ang pagdalaw ni Rhian Ramos. Hindi ko alaga si Rhian pero nagtagal siya sa kuwarto ko para aliwin ako at bigyan ng emotional support. Hindi rin ako nagkamali na maging alaga at ipaglaban sina Lorna Tolentino, Sandy Andolong, Lani Mercado, Alfred Vargas, Tonton Gutierrez at Bong Revilla.
Nagbunga rin ang pagmamahal ko kay Tirso Cruz III dahil nandu’n na para ipagdasal ako ni Lyn Cruz, may inabot pang red envelope.
At kahit subsob sa trabaho at sked si Bong Revilla nahanapan niya ako ng oras para dalawin. Nag-enjoy ako sa mga kalokohan ni Paolo Contis na in-introduce ako kay Yen Santos as a friend, heh heh, pero may I love you, kalokah!
Ang babait talaga ng mga alaga ko, kaya sobra akong confident na kakayanin ko ang lahat dahil nandiyan sila. Sure ako hindi nila ako pababayaan, or else lagot sila kina Gorgy at Salve.
- Latest