Sharon, nagpaliwanag kung bakit ‘dI pinapasok sa Hermes Korea   

Dahil marahil sa rami ng nag-react na netizens sa hindi pagpapasok kay Sharon Cuneta sa Hermes store, naglabas ng pakiusap si Megastar sa kanyang followers na huwag nang maimbiyerna sa nasabing high-end na tindahan.

Nag-update si Sharon sa kanyang Instagram at pinaliwanagan din ang fans tungkol sa nangyari.

Aniya ay sadyang ganu’n ang mga may pangalang tindahan at kakaunti lang daw talaga ang pinapapasok.

“Don’t feel bad about Hermes not letting me in! Lots, if not all name-brand stores even in the U.S. allow a certain number of people in at a time - sometimes 10 lang, while the others wait in line outside of the store,” paliwanag ni Shawie.

Nanghinayang lang daw siya talaga sa belt na balak niya sanang bilhin sa Hermes.     

“Lots also ask you to make an appointment. Covid measures nila yan so okay lang. Sayang lang talaga belt lang naman ang balak ko eh kaya ayoko pumapasok sa ibang stores na di ko plano puntahan ang dami kong nakikita eh!” sey pa ni Shawie.

Matatandaang sa latest vlog ni Megastar tungkol sa travel nila ng pamilya sa South Korea ay ikinuwento niya na hindi siya pinapasok sa Hermes store.

 “Gusto kong bumili ng sinturon sa Hermes, ayaw akong papasukin,” sey ni Sharon sa vlog.

Sa halip ay sa Louis Vuitton store siya pumunta at halos namakyaw si Mega ng items doon.

Ang daming naimbiyernang fans sa ginawa kay Sharon and for sure ay nabasa ito ni Mega.

Kim, excited sa Christmas vacation nila ni Xian sa abroad

This early ay looking forward na si Kim Chiu sa Christmas vacation nila ng boyfriend na si Xian Lim sa labas ng bansa.

 “Kami naman, alam naman ng mga supporters namin na every December, we really make sure na makapag-out of the country kami, makapag-celebrate kami ng holiday together,” sey ni Kim sa isang online interview.

 “’Yun din ‘yung nilu-look forward namin. Na every Christmas break kasi ‘yun na ‘yung pinakamahabang break na meron kami na parehas kami,” dagdag pa ni Kim.

Bukod dito ay naging super-busy nga rin sila sa kani-kanilang trabaho kaya kailangan din nila ng break especially Xian na bukod sa pagiging aktor ay direktor pa.

“Nagsusuportahan naman kami sa isa’t isa. Pag nasa set siya, hindi ko siya guguluhin, so aantayin ko na lang na tumawag siya sa akin,” sey ni Kim sa isang online interview sa kanya recently.

Kapag busy raw si Xian ay hinahayaan niyang mag-focus ito sa ginagawa especially kapag may proyekto ito. “Parang ganu’n kami, parang ‘pag meron kaming gagawin, ‘focus ka muna, tawagan mo lang ako ‘pag free ka, kapag paya.’ Parang ganu’n. Hindi naman clingy na ‘bakit ‘di moa ko tinawagan?’ Imbes na nagko-concentrate, maguluhan pa siya lalo. ‘Yung ganu’n,” aniya.

Kahit nga raw may kanya-kanya silang proyekto, ani Kim suportadong-suportado niya si Xian sa lahat ng ginagawa.

“Alam naman ni Xian na ako ‘yung no. 1 fan niya. Tsini-cheer ko talaga siya, pinapalakpakan ko siya. Minsan, naiinis na siya sa akin na nagtsi-cheer talaga ako, ganyan. Pero sabi ko, ‘hayaan mo na, ganu’n talaga,’” tsika ni Kim.