Atom, hahanapin ang mga nawawala

Nakakatakot pa rin talaga marinig ang mga balitang nawawala na walang pinipiling edad. Mas nakakatakot ‘pag nakikita sila pero wala nang buhay at biktima pa ng krimen. Kaya kailangan talagang mag-ingat ang lahat lalo na ang kabataan at kababaihan.

Ganyan ang mga kaso na tutuklasin ni Atom Araullo sa The Atom Araullo Specials: Ang Nawawala. Sisilipin niya kung paano nireresolbahan ng mga otoridad ang mga ganitong klaseng krimen.

Nito ngang nagdaang mga buwan ay sunud-sunod ang mga balitang nawawala kaya nakakabahala talaga. Kaya ‘wag nating hahayaang lumabas nang alanganing oras ang mga bata nang walang kasama.

Sana mahuli na ang mga gumagawa nito agad kaya ingatan natin at bantayan ang mga bata dahil wala na talagang takot ngayon ang mga gumagawa nito.

Sana makita na ang mga nawawala.