Paul, gusto munang mag-SITCOM  

Gusto raw munang gumawa ng sitcom ng Kapuso hunk na si Paul Salas dahil sobra raw siyang nabugbog sa teleserye na Lolong.

Sa tatlong beses daw na nag-lock-in taping sila, puro mga mahihirap na action scene ang ginawa niya kasama si Ruru Madrid. Sulit daw ang mga naging pagod nila dahil pataas nang pataas ang ratings ng Lolong.

“With Lolong, sobrang mabigat. After nito, I hope they will cast me sa isang sitcom. Gusto ko naman mag-comedy, ‘yung light naman. Pero no regrets playing Martin Banson dahil naipakita ko na kaya ko palang gawin ang gano’ng mga role. Hindi lang tayo pang-boy-next-door or pagpapa-cute lang,” ngiti pa ni Paul.

Sa pakikipagtambal niya kay Shaira Diaz sa Lolong, kinikilig daw ang girlfriend niyang si Mikee Quintos sa mga eksena nila. “Si Mikee, nanonood din siya. Sinasabi nga niya na kinikilig siya sa amin ni Shaira. Natuwa naman ako dahil hindi siya nagseselos. Very supportive si Mikee sa mga ginagawa ko. Ako rin naman, supportive din sa kanyang teleserye,” tawa pa ni Paul.

Arron, hindi handang mag-frontal

Handa na rin magpakita ng kanyang katawan ang aktor na si Arron Villaflor. Pero hindi raw siya handa pa na mag-frontal nudity tulad ng mga baguhang aktor ngayon. “Sexy, yes, but I don’t think I can do frontal nudity. I already laid my cards. So, you can expect that my projects with Viva will be intense. I’m praying na maging smooth and sunod-sunod ang work.  I’m not getting any younger. I’m 32. I’m excited with all the projects that will be lined up for me.”

Inamin ni Arron na two years siyang walang trabaho dahil sa nangyaring pandemic. Mabuti na lang at nasa pangangalaga na siya ng Viva Artists Agency (VAA) at may mga naka-line up na trabaho sa kanya. “I’ve been floating for two years. It was really hard for me. I was idle. So, I decided to transfer to Viva. To me, as long as it’s work, there’s no problem with that. As long as it’s a new opportunity for me, new door, I’m happy and excited to work with them. I hope everything will be put into place with everything we planned about. I guess let’s be thankful that we are alive. Let us be grateful everyday when we wake up. No one was ready for this trial that came into our life,” sey pa niya.

May real estate at salon business si Arron, pero pareho raw naapektuhan ang mga ito ng pandemya.

Kaya mas hanap pa rin daw niya ang magtrabaho sa showbiz. “Viva is very collaborative when it comes to brainstorming and stories for their new platform. I’m excited and at the same time nervous. For me, this is a new avenue when it comes to acting. I still have a job. I get to meet people who are able to help me and my career. I feel blessed. This pandemic became a real test for all of us. We should be always ready to fight.”