‘Masarap ang marami kang friends…’

Naku, Salve, kung hindi lang nakakaloka ang may sakit ka, ang sarap sana dahil spoiled ka sa mga pagkain ng friends na nagpapadala at ang dami mong flowers. Talagang parang feeling mo lahat nagdarasal na gumaling ka.

Masarap na marami kang friends, dahil ‘pag maysakit ka feeling so low at self-pity kaya dapat surrounded ka ng mga nagmamahal sa iyo.

Suwerte ka talaga sa mga kaibigan na angels mo sa earth, at suwerte ka ‘pag may alaga kang Bong Revilla.

Or ‘pag friend mo si Alice Eduardo. Kaya nga ‘pag maysakit ka, diyan lalabas ang friends mo. That’s what friends are for, in time of need.

Talagang sa mga nagpadala ng food, hindi ko malimutan ‘yung mga dimsum na padala ni Tessa Mauricio. Sa flowers, ‘yung kay mama Tenten at Alden Richards ang pinakamaganda. Sa basket naman, pinaka-cute ang padala nina Perry Lansingan at Popoy Caritativo.

At love na love ko na nagpadala ng baskets at flowers, dahil ginawa kong stress reliever sa mga tao sa hospital.

‘Yung iba shinare ko sa kapwa patients ko, ‘yung iba give ko sa nurses ko. Bongga, ‘di ba, kaya lagi akong waiting sa mga darating na baskets of flowers and fruits, kasi nga ang sarap i-share. Love you all, will never forget talaga.

Affordabox, mas mura na

Bongga dahil, mabibili na pala sa mas mababang presyo na P799 ang GMA Affordabox kasabay ng pagdiriwang ng ikalawang anibersaryo ng Kapuso digital TV receiver.

Mula pala ito sa original price na P888 kaya mas abot-kaya na ang viewing experience na “mas malinaw, mas makulay at mas maganda” kumpara sa analog TV.

Kaya tiyak na lalo pang pinabongga ang 2nd anniversary ng GMA Affordabox dahil kasama sa celebration sina Kapuso Primetime King and Queen Dingdong Dantes and Marian Rivera!

Sosyal ang Affordabox ha.