Andrea, may damage control

Wow naman ang advocacy ni Andrea Brillantes!

Pulot Queen ng basura si Andrea sa Siargao kasama ang rumored boyfie na cager Ricci Rivero, huh!

Hmmm, damage control ba ‘to ni Andrea na pinutukti ng banat dahil sa pagiging Kakampink niya?

Remember, pinag-init pa lalo ni Andrea ang mga Bongbong Marcos supporters na may binitawan siyang pangit na salita sa bumoto kay BBM, huh!

Rufa Mae, bibinyagan sina Kelvin, Abdul at Shaun

Sinunggaban na ng comebacking Kapuso komedyana na si Rufa Mae Quinto ang role niya sa sitcom na Tols na mapapanood sa GMA News TV simula sa June 25.

Ang balita namin, second choice si Rufa Mae para gumanap na ina sa triplets niyang anak na sina Kelvin Miranda, Abdul Rahman at Shaun Salvador.

Eh hasang-hasa naman siya sa komedi kaya welcome sa kanya ang project matapos pumirma sa Sparkle GMA Artist Center.

“Wala akong career sa States. At least dito, may proyekto agad ako sa GMA,” sey niya sa mediacon ng sitcom.

Kasamang bumalik sa bansa ni Rufa ang anak na si Athena. “Pinasama siya ng asawa ko para matutong magsalita ng Tagalog. Si Abdul ang ka-close niya ‘pag nasa ta­ping kami,” sey pa ni Rufa.

Humanda ngayon sina Kelvin, Abdul at Shaun sa pagbibinyag sa kanila ni Rufa sa comedy, huh!