Kim, walang planong sibakin pagbalik ni Anne

Tuloy ang ligaya sa It’s Showtime ni Kim Chiu.

Ito ay kahit na nga babalik na raw si Anne Curtis sa noontime show ng Kapamilya Channel after more than two years.

Lumutang kasi sa social media ang teaser na “Ang tagal natin siyang namiss, kaya andito na siya… Abang-ANNE!”

 Napanood ang nasabing teaser pagkatapos ng reunion dinner ni Anne sa It’s Showtime co-hosts na sina Vice Ganda, Vhong Navarro, Teddy Corpuz, Jugs Jugueta, Karylle, Kim Chiu, Amy Perez at Ryan Bang, at iba pa.

May mga nag-isip kasi na baka nga umexit si Kim sa pagbalik ni Anne.

Pero ayon sa source, never daw mangyayari ‘yun.

Maaalalang si Kim ang pumasok sa Showtime nang magbakasyon si Anne para manganak sa Australia hanggang abutin na nga ng pandemic at shutdown ng ABS-CBN.

Angelica, nagbigay ng life update

Nag-assume na agad ang followers ni Angelica Panganiban na baby boy ang kanilang first baby ni Gregg Homan.

Ito ay dahil sa reel upload niya ng baby room nito na ocean theme at dominated ng blue.

Nag-flex din siya ng kanyang baby bump : “life update” at nagpo-promote na rin siya ng YouTube channel nila ni Gregg.

Walang sinasabi kung anong gender ng baby nila ni Gregg.

Bela, si Jennifer connelly ang photobomber

Bongga ang pakiramdam ni Bela Padilla nang umattend sa premiere night ng American movie na Top Gun: Maverick starring Tom Cruise and his co-star Jennifer Connelly.

At ang sosyal, photobomber niya ang American actress na bida rin sa pelikula na si Jennifer Connelly.

“It’s not everyday you’re photobombed but the beautiful @jennifer.connelly on the red carpet so I’m gonna leave this here…? we had a moment shortly after and I got lost in her blue eyes as she said hi to me.

“Many many thanks to @adrianneconcept for styling me in this lovely @mrselfportrait dress. Thank you @theklassicagency for sending me to such a fun event and special thanks to @officialamel for being such a cute date and for capturing this moment #topgunmaverick.”

Pero walang photo si Bela sa pagdalo ng Duke and Duchess of Cambridge sa nasabing red carpet para sa London premiere of Top Gun: Maverick.