Robin, binabantayan

Sa daming naniwala kay Robin Padilla kaya siya nag-number 1 sa Senate race. Kaya tiyak sobra ring pressure ito sa kanya.

Lahat ngayon nakabantay sa puwede niyang gawin, sa performance niya, sa mga sinasabi niya na ipaglalaban niya sa Senado.

Ngayon na nagbalik ang tiwala ng mga tao sa isang taga-showbiz, sana tuluy-tuloy na at makita na hindi sila nanalo dahil lang artista sila kundi may kakayahan ding magbigay ng tamang resulta sa gobyerno.

Siguro naman hindi lang sa salita maipapakita ni Robin ang kakayahan niya, at ‘yung mga sinasabi niya puwede niyang bigyan ng katuparan.

Palibutan lang niya ng mahuhusay na adviser at lawyer ang paligid niya, at for sure tamang guidance ang makukuha niya.

Lahat ng mata nakatuon ngayon kay Robin kaya tiyak na dama niya ang pressure nang pinasok niyang mundo.

Kaya wait lang tayo, malay natin gulatin niya tayo.

Lucy, loyal sa ineendorso

Gustung-gustong kunin ni Rhea Tan ng Beautederm si Lucy Torres Gomezbilang ambassador / endorser.

Pero dahil siguro sa katatapos lang ang eleksyon, sobrang pagod at puyat pa ang mag-asawang Richard Gomez at Lucy kaya hindi agad siya nakasagot.

At naloka ako na after three days saka lang siya sumagot sa una kong text, hah hah hah. Sobrang delayed. At siguro hindi pa niya ma-digest ang text ko kaya love you and miss you ang naging sagot niya.

Palagay ko dahil Belo baby si Lucy kaya ayaw niya sigurong maging Beautederm ambassador. Kasi nga, imposible naman sa rami ng text ko hindi mag-reply si Lucy sa inquiry ko tungkol sa Beautederm.

Saka very close talaga si Lucy  kay Dra. Vicki Belo kaya ayaw niya na magtampo ito sa kanya. Medyo hindi ko agad nakuha ang pahiwatig ni Lucy, talagang so senior na ako, hah hah hah.