Ara, ‘di pa nakakabalik sa taping
Nakiuso na rin sa pagti-TikTok ang asawa ni Ara Mina na si Dave Almarinez.
Nakadalawang TikTok videos na ang President at CEO ng Philippine International Trading Corporation.“Hinayaan ko na lang siya. Pantanggal daw niya ng stress dahil sobrang bigat ang trabaho nito sa opisina,” saad ni Ara sa isang interview.
Dagdag niya, “Naaliw talaga ako. Pero paminsan-minsan lang naman ito. Ang nagiging bonding namin madalas ay kasama ang mga bata.”
Habang hindi pa nagbabalik sa taping ng FPJ’s Ang Probinsyano, ang business na Hazelberry ang pinagkakaabalahan ni Ara dahil patuloy pa rin ang maraming orders na natatanggap niya online.
Shooting sa Baguio, hihigpitan muna
Nag-aalala ngayon ang ilang film outfits na gustong mag-shooting sa Baguio City. May kinalaman ito sa isyung kinasangkutan ni Arjo Atayde.
Dinepensahan si Arjo na kaya umalis agad sa Baguio ay dahil nag-positive sa COVID-19 at kinailangan dumiretso sa isang ospital.
So ‘yung gustong mag-shooting sa Baguio, malamang na mahirapang umakyat doon ngayon.
- Latest