Ate Vi, nag-aalok ng ‘investment’

Maging si Batangas Congresswoman and Star For All Seasons ay hindi nakaligtas sa poser na usong-uso ngayon.

Ipinost ni ate Vi (Vilma Santos) ang screenshot ng account ng kanyang poser sa kanyang Instagram at sa caption, aniya,  “TAKE NOTE!!! THIS IS A POSER. THANK YOU.”

Ang poser ay may username na “rectovilmasantos” at parehong-pareho ng profile picture ng legit account ni ate Vi. Pero ang catch ay wala siyang followers.

Ang nasabing poser ay nag-aalok sa netizens na sumali sa isang investment at syempre, dahil gamit niya ang pangalan ni ate Vi, who knows, baka marami na siyang naloko.

Ipinost din ni ate Vi ang screenshot ng message ng poser sa ibang netizen na nag-aalok na sumali sa investment.

May mga nagkomento na nag-message raw sa kanila ang nasabing poser. Ang isa naman ay in-add daw siya kaya muntik na siyang mabulunan dahil akala niya ay si ate Vi talaga.

Hopefully ay na-block na ang poser na ito since hindi namin makita ang kanyang account.

Kris, natahimik na sa fake bookings  

Tinantanan na rin si Kris Bernal ng fraud delivery booking matapos niyang i-post sa kanyang social media accounts ng insidente.

Matatandaang 23 Grab riders ang sunud-sunod na dumating sa bahay ni Kris last Sunday para mag-deliver ng mga pagkain na hindi naman niya in-order.

Ipinost lahat ito ni Kris sa kanyang Instagram and called the attention of Grab management na kaagad namang nakipagtulungan.

Ayon sa latest post ni Kris kahapon, ni-block na raw ng Grab ang telepono ng babaeng nanloloko kaya hindi na raw ito makakatawag pa sa naturang kum­panya. Bukod dito ay hindi raw na-charge ang riders na nabiktima at ibinalik ang mga perang nagastos ng mga ito sa pagkain.

“I just want to commend GRAB PH, @grab_ph , for how they handled the incident. Just a few minutes after my posts, Grab has gotten in touch with me and has urgently conducted an investigation into the fraud delivery bookings. They checked in on the delivery partners and ensured that they were compensated for this incident. The riders were not charged but instead were reimbursed. Grab has already blocked the number,” saad ni Kris.

At ngayon, tahimik na raw siya’t ‘di na na-stress ang araw niya dahil wala na raw fake Grab bookings.

“So far, no more fake Grab bookings. Though, two fake boo­kings (No longer from Grab) by the same culprit came last Sunday. Hindi niya pa rin ako tinigilan.

“Yesterday’s stress-free day is brought to you by all of you, my fiancé, my cute outfit, and Grab!  Just grateful! Happy Tuesday,” sey pa ni Kris.

Samantala, ang Grab Philippines ay naglabas na rin ng official statement hinggil sa pangyayaring ito.

“It has been brought to our attention that someone has recently used our platform to place multiple orders - causing undue stress to Ms Kris Bernal and our driver-partners.

“Grab has a zero-tolerance policy on fraudulent activities. Upon learning of this incident, we have immediately conducted our investigation and we have blocked the mobile phone IMEI of the fraudster to avoid similar incidents from happening in the future. We are also working closely with Ms. Kris Bernal on the matter, and we have reimbursed our delivery-partners who have fallen prey to this fraudster.”