Cong. Alfred, nabitin sa lock-in

Medyo nabitin si Congresman Alfred Vargas sa guesting niya sa coming Kapuso series na Legal Wives.

“Na-miss ko talaga ang acting. Medyo nabitin lang ako kasi hanggang umpisa lang ako. Special guesting lang talaga.

“’Di ko kasi kaya mag-lock-in taping nang matagal because of my duties sa Congress and to the people of QC.

“Kaya nitong huling lock-in ko, 2 days lang ako nakapagshoot nung weekend then balik agad ako sa QC,” tugon sa amin ni Cong. Alfred nang kumustahin namin ang muli niyang pag-arte.

Tutok sa pag-ayuda sa mga kababayan…

Focus sa kanyang distrito bilang kongresista ng Lipa, Batangas, magbigay ng ayuda mabakunahan lahat ng nararapat at trabahuhin ang kanyang legislative works.

Ito ang priority ni Congresswoman Vilma Santos-Recto.

“Wala pang plano for 2022,” bahagi ng text sa amin ni Cong. Vilma. Naglabasan kasi sa mga report na isa siya sa pinagpipiliang presidential ng 1Sambayan kaya hiningan namin ng reaksyon kaugnay nito.

“Taus-pusong pasasalamat sa tiwala na ibinigay sa akin ng 1Sambayan!!!

“Focus ko ngayon ang aking distrito! Mapabakunahan lahat ang nararapat kabalikat ang city govt. Mabigay ang ayudang para sa kanila!!! Trabahuhin ang aking legislative works,” bahagi ng text sa amin ni Congresswoman Vilma.