Marian, tinapos na ang hiatus
Tuwang-tuwa ang fans at followers ni Marian Rivera nang makakita sila ng bagong picture niya sa Instagram. Ang ibig sabihin, tapos na ang bakasyon days ni Yan sa social media, huh!
Nag-social hiatus si Yan sa social media ayon sa kanyang management team na Triple A. Pero kahapon, may pasabog na bagong picture si Yan sa IG na naka-swimsuit at nasa pool!
“Recharged thanks to mother nature! Happy Friday! “P.S. I’m back!” caption ni Marian.
Samantala, may post din ang asawa niyang si Dingdong Dantes kaugnay ng bakasyon nila ni Marian. “Sometimes all we have to do is pause, take a step back and see things from a different perspective.
“With HIS guidance, things will be definitely become nearer. Happy weekend, everyone!” saad ni Dong sa caption kasama si Yan at dalawang anak sa pool.
Siyempre, agad pinusuan ng followers ng mag-asawa ang pagbabalik ni Marian sa social media!
Kapuso, pinakamaraming Pinoy shortlisted entries sa NYF
Pasok ang virtual reality concert ni Alden Richards na Alden’s Reality sa shortlisted entries mula sa Pilipinas sa 2021 New York Festivals (NYF) World’s Best TV and Films Competition.
Ito ang kauna-unahang virtual reality concert sa bansa na ma-nominate sa ilalim ng Entertainment Special: Special Event Category.
Finalists din sa NYF ang Kapuso Mo, Jessica Soho, Reel Time, Reporter’s Notebook at Atom Araullo Specials.
Ang Kapuso Network nga ang may pinakamaraming shortlisted entries mula sa Pilipinas dahil limang finalist nominations ang nakuha nito.
- Latest
