Pia, umamin sa ex na sobrang seloso
Sa isang episode ng podcast na Between Us Queens nina Pia Wurtzbach, Bianca Guidotti and Carla Lizardo, napag-usapan nila ang mga tinatawag na “red flag” sa mga naging karelasyon nila.
Inamin ni Miss Universe 2015 na may dine-date siyang guy for two years, pero dedma siya sa mga babala ng mga taong close sa kanya tungkol sa lalakeng dine-date niya. “Hindi ko namalayan na mali na pala nangyayari. I thought that it was normal. And of course you love the guy,” paliwanag ni Queen P sa naging takbo ng relasyon niya bago siya naging Miss Universe.
Dagdag ni Pia na sobrang seloso raw ang boyfriend niyang ito. Bawal daw siyang magkaroon ng male friends at kahit mga beki raw ay pinagseselosan nito. Nakialam pa raw ito sa cellphone niya at binura ang numbers ng male friends niya.
Kailangan din daw ay humingi ito ng permission bago siya lumabas kasama ang mga kaibigan niya. “’Yung ‘pag napu-push na ’yung boundaries mo kahit ’di mo namamalayan,” sey ni Pia tungkol sa pagiging demanding na ng boyfriend niya kaya humingi na ito ng space. Pero dinadaan daw sa matatamis na salita si Pia kaya nakakalimot daw siya sa realidad na may problema sa lalakeng karelasyon niya. “He would always say, ‘I wanna be with you’ and in that moment you think, ‘oh, that’s so sweet. He just wants to be with me,’ but later I would realize I had not gotten any work done, seen her friends, nor finished what I needed to do.
“Sometimes we don’t notice that, wait a minute, something wrong is already happening but because it’s with my boyfriend and somebody who I’m supposed to be trusting, it’s being masked.”
Kasalukuyang karelasyon ni Pia ang businessman na si Jeremy Jauncey.
Fil-Am at Fil-Canadian celebs, bumida ang boses sa Trese
Mga Fil-American at Fil-Canadian celebrities ang nagboses sa characters ng anime adaptation ng Filipino graphic novel na Trese na mapapanood na sa Netflix.
Kabilang dito ay ang Fil-Am singer at judge ng The Masked Singer na si Nicole Scherzinger. Post ng former Pussycat Dolls: “So excited to announce that I’ll be joining my girl (Shay Mitchell) and an incredible cast of other Filipinos as part of ‘Trese’- a @netflix original anime series coming June 11th.
“I am so proud to be a part of such a diverse project which brings visibility to beautiful stories, talent and voices from our Pinoy culture!”
Si Shay Mitchell naman ay Fil-Canadian na isa bida ng American series na Pretty Little Liars.
Ang iba pang may dugong Pinoy na kasama sa project ay sina Darren Criss, Jon Jon Briones, Manny Jacinto, Lou Diamond Phillips, and Dante Basco.
Directed by Jay Oliva, Trese will premiere on Netflix on June 11 and will have six episodes.
- Latest
