Sunshine nagkasintomas, Nikki at asawa, na-COVID din

Naka-isolate for 16 days sa kanilang bahay si Sunshine Cruz dahil nakaranas ng sintomas ng COVID-19 at sa kanyang Instagram, may update siya sa kanyang kundisyon.

“Patience is definitely a virtue.

“It is already a blessing that I am just isolated in the comfort of my home (most are confined in hospital or Kalinga Centers).

“I may not see the kids but hearing and chatting over the phone with them makes me look forward to seeing and hugging these princesses of mine once again.

“I know I am on my way to recovery. Headache, body pain is now more tolerable, cough is not as worse, my sense of taste and smell have improved. I thank God everyday for I am slowly getting better.”

Marami ang nagpaabot ng mensahe kay Sunshine ng mabilis niyang paggaling, kabilang ang boyfriend na si Macky Mathay na ang sabi, “In time. I am just  here always My @sunshinecruz718.”

Pati pala si Nikki Valdez tinamaan din ng COVID at sabay pa sila ng kanyang husband. Ang magandang balita, pagaling na rin sina Nikki at ang kanyang asawa. Pinasalamatan ni Nikki ang kanyang ina sa walang sawang pag-aalaga sa kanila para mabilis silang gumaling ng kanyang asawa.

Mga cake ni Sarah, nire-request nang ibenta

May bago na namang klase ng cake baked by Sarah Geronimo at very proud ang

asawa nitong si Matteo Guidicelli na ipagmalaki ang Cereal Milk Leches cake ni Sarah. Ang dami tuloy gustong makatikim sa cake na sabi ni Matteo, “the best.”

Naalala tuloy ng fans nina Sarah at Matteo ang nabanggit dati ng aktor na magbebenta sila online ng cakes baked by Sarah dahil ang dami ng klase ng cake ang alam i-bake ni Mrs. Guidicelli. Hindi lang natuloy ang plano nila dahil nagka-pandemic, pero baka gusto nilang ituloy pa rin ang plano at tiyak na maghi-hit ito.

May nag-request pa na kung hindi pa ready si Sarah to sell her cakes online, sana raw, magkaroon ito ng baking vlog para magaya nila ang bini-bake nitong cake.

And speaking of Sarah, may repeat sa May 1 and 2 ang kanyang Tala The Film Concert at i-stream sa KTX pa rin.

Dennis, ‘di makalimutan ng mga inayudahan

Malapit na ngang umere ang Legal Wives na marami na ang naghihintay, Kapuso fans man o hindi. Sa title pa lang, isyu na dahil ginaya raw sa title ng teleserye ng ABS-CBN at ang buwelta ng Kapuso fans, plural ang title ng GMA 7 at hindi singular.

Kasama sa cast ng Legal Wives si Abdul Rahman na totoong Muslim, kaya makaka-relate siya sa story ng cultural drama na mula sa direction ni Zig Dulay.

Hindi pala makakalimutan ni Abdul si Dennis Trillo na bida sa Legal Wives dahil may nabasa kaming sa early days ng quarantine, binigyan siya ni Dennis ng financial help. Hindi lang daw para kay Abdul ang inabot ni Dennis, para rin sa kanyang pamilya.

Naalala tuloy namin na sa taping ng I Can See You: Truly. Madly. Deadly na ibinalik ng GMA 7 at umeere ngayon hanggang Friday, ibinigay din ni Dennis ang kanyang talent fee sa staff at crew. Naghati-hati sila  sa talent fee at dinagdagan pa raw ni Dennis para lahat ay makatanggap ng ayuda.