Rachelle Ann, bumibirit habang nanganganak!

Kinuwento ni Rachelle Ann Go ang naging “amazing experience” niya sa pagsilang sa first baby nila ng mister na si Martin Spies noong nakaraang March 26.

Behind schedule raw ang paglabas ni Baby Lukas Judah pero naging unforgettable moment ito para kay Rachelle.

Sa kanyang Facebook post, pinost ng singer ang photo na very cool siya na naka-shades habang nakakaramdam ng contractions. “If the contractions are strong, make it fashion,” caption niya.

Binigyan daw si Rachelle ng isang oras ng midwife na i-push palabas ang baby nito. Kung di raw successful, idadaan daw ito sa emergency C-section.

“I said ‘NO! I will do it in 15-20 mins! It ook me 18mins to push Lukas out!” reveal pa ni Rachelle.

Kasama raw niya si Martin sa room at nag-assist ito sa midwife. Sinabayan pa raw nila ang pag-push ni Rachelle sa pag-awit ng gospel songs.

“I was progressing really slowly but I was actually enjoying the contractions! LOL. Weird...But yeah I found myself saying YES to each contraction.

“The Holy Spirit just filled the room! We were praying and singing worship songs... Our first midwife started singing with us! I had such an amazing birthing experience!

“After going through it, I realized God made it possible for us to do this! My big take away is FAITH over fear. God will meet us at the level of our faith.

“To all the mamas out there who are about to go through this journey, I believe in you! You can do it.”

Misis ni Hans Montenegro, 2 months nagka-virus

Kinuwento ng former model and host ng Unang Hirit na si Hans Montenegro ang pagsubok na pinagdaanan ng kanyang pamilya matapos magpositibo sa COVID-19 ang kanyang misis  na si Marilen Faustino noong nakaraang taon. “On March 16 last year, ‘yung first day ng talagang lockdown, tiningnan ako ni misis, sinabi niya sa akin ‘Nilalagnat ako, kailangan tayong pumunta ng hospital.’ Nagka-COVID ‘yung misis ko,” kuwento ni Hans sa Just In ni Paolo Contis.

Kakaiba raw ang kanilang karanasan dahil ang misis niya ang isa sa mga pinakamaagang nahawaan ng naturang virus. Dagdag pa na may asthma ang kanyang misis. “Surreal kasi dinala ko sa ospital, hindi ko nahatid, para akong taxi na ‘O bumaba ka na.’ Ang una kong inisip is ‘Kung magkahawaan tayo, sinong mag-aalaga sa mga bata?’”

Sa Subic daw nag-quarantine ang buong pamilya ni Hans. Sa isang condo unit naman nilagay ni Hans ang kanyang misis para magpagaling.

Kuwento pa ni Hans: “Super hirap kasi sinundo ko from the hospital, dinala ko roon sa condo. As in mag-isa siya roon hinahatiran lang namin ng pagkain. Tapos ‘yung iniiwan ‘yung pagkain sa labas ng pintuan tapos kakatok na lang.

“Si misis, nagpi-Facetime kami gabi-gabi, umiiyak siya, hindi siya makahinga. Hindi ko naman puwedeng puntahan, takot na takot siya. Minsan na lang tatawag sa akin eh, ‘I can’t breathe, I can’t breathe.’ Kausapin mo muna ako, ayokong matulog. Dalawa kaming takot. Mga 21 days siyang may COVID. It was a bad case.”

Inabot daw ng dalawang buwan bago tuluyang gumaling ang misis ni Hans.

Bagong album ni Taylor, half million agad-agad ang benta

In less than 24 hours, bumenta ng higit sa 500,000 copies ang ni-release ni Taylor Swift na re-recorded album niya na Fearless (Taylor’s Version).

Ayon sa Republic Records: “The album had already sold over 500,000 worldwide copies. In surpassing the half-million mark, Fearless (Taylor’s Version) becomes the artist’s record-extending ninth consecutive album to move at least 500K global copies in its debut week.”

Halos lahat naman ng albums ni Taylor ay lumagpas sa half a million sales sa week na ni-release ito.

Sa Fearless (Taylor’s Version), bukod sa re-recordings of the original 19 deluxe tracks, sinama pa ni Taylor ang single na Today Was A Fairytale na lumabas lang noon sa soundtrack ng 2010 romcom film na Valentine’s Day.