Gabby at Sanya, pahinga muna!
Break muna sa lock-in taping ang top-rating GMA Primetime romantic-comedy series na First Yaya, topbilled by Gabby Concepcion and Sanya Lopez.
‘Nagpainit’ si Sanya sa sexy bikini photos niya sa kanyang instagram account habang nagtatampisaw sila ni Kakai Bautista sa beach resort na pag-aari ni Gabby sa Batangas. Pinusuan ng mga fans at netizens ang posts niya sa social media, kaya naman umabot na ito ng more than 210,577 likes and 865 comments, dahil sa kaseksihan niya.
Comment nga ni Beautederm CEO Rhea Tan “Ganda ng anak ko.” Sagot ni Sanya, “@missrheatan next time Ma, tayo-tayo naman.”
Na-miss naman daw nina Sanya at Kakai ang co-stars nila sa series na sina Maxine Medina, Cai Cortez, Glenda Garcia, even si Ms. Pilar Pilapil.
Napapanood gabi-gabi ang First Yaya pagkatapos ng 24 Oras sa GMA 7.
Lovi, araw-gabing mapapanood
Magtatapos na ngayong hapon sa GMA Afternoon Prime ang Bilangin Ang Bituin Sa Langit nina Ms. Nora Aunor, Mylene Dizon, Kylene Alcantara, Zoren Legaspi at 4:15 p.m.
Dapat ay papalitan ito ng Ang Dalawang Ikaw na nagtatampok for the third time sa love team nina Ken Chan at Rita Daniela.
Pero hindi na muna ito matutuloy at sa halip magkakaroon ng replay ang pinag-usapan noong Ang Dalawang Mrs. Real na nagtatampok kina Dingdong Dantes, Lovi Poe at Ms. Maricel Soriano.
So, masuwerte si Lovi, dahil araw-araw at gabi-gabi, mapapanood siya sa dalawang serye niya sa GMA 7. Sa hapon nga ang Ang Dalawang Mrs. Real at sa gabi, ang romantic comedy series na pinagtatambalan naman nila ni Benjamin Alves na Owe My Love mula sa GMA News & Public Affairs, pagkatapos ng I Can See You: On My Way To You.
Fanny, naka-life support na
Lungkot na lungkot si Megastar Sharon Cuneta na hanggang ngayon ay malubha pa rin ang kondisyon ng kanyang kaibigan at long-time make-up artist na si Fanny Serrano. Sa kanyang Instagram post, ito ang pahayag ni Sharon:
“PAGOD NA PAGOD NA AKONG NAWAWALAN NG MAHAL SA BUHAY. Huwag muna po sana, Lord...”
- Latest
