DongYan, nagpa-swab para makipagtsikahan kina Doc Vicki at Hayden
Sumailalim sa antigen swab test ang mag-asawang Dingdong Dantes at Marian Rivera bago nila bisitahin nang personal ang mag-asawang Hayden Kho at Dr. Vicki Belo.
May batang anak kasi sina Vicki at Hayden kaya naman sumunod sa kaukulang health protocols sina Dong at Yan.
Tuwang-tuwa naman si Belo sa pagbisita ng royal showbiz couple.
“It’s so good to see familiar faces. Thank you for visiting us @dongdantes and @marianrivera with complete Antigen testing of course. @scarletsnowbelo is looking forward to playdate with Zia too,” caption ni Dr. Vicki sa group photo nilang apat sa kanyang Instagram.
Principal sponsors sina Dr. Vicki at Hayden sa kasal nina Dingdong at Marian at present din ang mag-asawa sa wedding naman nina Vicki at Hayden sa Paris.
- Latest