Word-class ang performers na mapapanood sa game-reality-talent show na Catch Me Out Philippines.
Ayon ito kay Jose Manalo na napiling maging host ng programa sa GMA Network. “Dadaan sila sa training para ‘pag sinalang sila sa stage, as in hindi mo masasabi na amateur sila at magmumukha silang professional.
“Masasabi mo pa nga na mas magaling pa silang sumayaw kesa dun sa ibang professionals kaya malilito talaga ‘yung magdya-judge pati mga manonood,” pahayag ni Jose sa virtual mediacon ng show.
Lalabas namang celebrity catcher sina Kakai Bautista, Derrick Monasterio at isang celebrity.
Mapapanood na sa February 6. 7:15 p.m. sa GMA Network ang Catch Me Out Philippines.