‘I no longer have time to explain myself’— Derek
Non-stop ang issue kay Derek Ramsay. Kaya naman ayaw din siyang tantanan ng netizens.
Pero parang wala nang planong makipagbalitaktakan ang aktor dahil sa post niya kahapon through cryptic : “Whatever you hear about me please believe it. I no longer have time to explain myself. You can also add some if you want.”
What’s the point nga naman. Sayang energy.
Dina, may nadiskubre kay Jay
Matapos ang kanilang lock-in taping para sa Anak Ni Waray Vs. Anak Ni Biday, may nadiskubre raw ang isa sa lead stars ng show na si Dina Bonnevie sa kanyang co-star na si Jay Manalo.
Taliwas sa kanyang madalas na ginagampanang roles, pinuri ni Dina si Jay sa pagiging butihin at mapagmahal na ama ng aktor. Kahit daw kasi malayo sa pamilya noong lock-in taping, hindi nakakalimutan ni Jay na kumustahin ang kanyang mga anak.
Aniya, “I thought he was exactly like the roles he plays, ‘yung babaero, happy-go-lucky but I was surprised that he’s such a cool father pala, he’s such a good dad.”
Pagkukuwento pa ng aktres, “Every morning, habang nag-mi-makeup ako nandiyan si Jay sa right side kumakain siya ng breakfast kasi magkasunod ‘yung makeup schedule namin. Tapos doon nakikita ko nag-vi-video siya with his son and daughter. Kinakausap niya, nagbi-video call sila tuwing umaga then he dances while he’s talking to them. Nakakatuwa na may ganitong side pala si Jay.”
Samantala, kasalukuyang napapanood ang recap ng Anak Ni Waray Vs. Anak Ni Biday, 8 p.m., sa GMA Telebabad at magsisimula ang fresh episodes nito sa February 8.
- Latest