Lady Gaga, J.Lo at marami pa, kasali sa inauguration nina Biden at Harris
Sina Lady Gaga at Jennifer Lopez ang dalawa sa magiging panauhin sa magiging inauguration ng bagong US President Joe Biden at US Vice President Kamala Harris bukas. Magaganap ang sworn in nina Biden at Harris sa West Front ng US Capitol.
Si Lady Gaga ang aawit ng national anthem samantalang si J.Lo ang magpe-perform ng isang musical number.
Star-studded ang naturang event with Tom Hanks na magiging host ng 90-minute primetime TV special celebrating Biden’s inauguration. Ang ibang performers ay sina Justin Timberlake, Jon Bon Jovi, Demi Lovato and Ant Clemons.
Four years ago, umiwas ang maraming celebrities sa inauguration ni President Donald Trump. Ngayon ay nagbu-volunteer pa ang iba na mag-perform sa inauguration ni Biden. “When Democrats win you get the more standard celebrities. With Republicans you tend to get country music stars and race-car drivers,” ayon sa isang White House source.
Pero limited daw ang audience sa naturang inauguration due to the pandemic. Naging mahigpit din ang security dahil sa nangyaring riot sa Capitol.
Magiging virtual naman ang traditional quadrennial ball after the inauguration. Pero star-studded pa rin ito with Jason Alexander, David Arquette, Matt Bomer, Christopher Jackson, Ted Danson, Lea DeLaria, Keegan Michael-Key, Chrissy Metz, Mandy Patinkin and many others attending the event virtually mula sa kanilang mga tahanan. Ide-deliver ang handa ng ball sa kanilang address.
Meryll at Joem, nakipag-bonding sa pamilya
Nag-celebrate sina Meryll Soriano at Joem Bascon ng 1st month ng kanilang baby noong nakaraang January 17.
Pinost ni Meryll sa Instagram ang photo ng kanilang baby katabi ang cake nito at may caption na “Hep, Hep... Hurray!”
Kasama rin ang pamilya ni Joem sa naturang celebration. Sa isa pang IG post, karga ng ina ni Joem ang apo nito at naroon din ang ama at dalawang kapatid ni Joem. “Family is everything,” caption ni Meryll sa naturang post.
New Year’s Day 2021 nang i-reveal ni Meryll na sinilang niya ang baby nila ni Joem. January 2020 nang magkabalikan sila after nilang mag-break noong 2009.
- Latest
