Alden at Kathryn, naunahan sina Maine at Carlo sa Netflix

Ngayong December 24, tuloy na ang airing sa Netflix ng Hello, Love, Goodbye, ang highest top grosser movie of all time nina Kathryn Bernardo at Alden Richards mula sa Star Cinema.

At bukas naman December 25, matutuloy na ring ipalabas sa Netflix, ang Isa Pa With Feelings, na first team up nina Carlo Aquino at Maine Mendoza. 

Early this December, nagkamali si Maine sa pagpu-post na mapapanood na sa Netflix ang movie nila ni Carlo ngayong araw, iyon pala ay mauuna sa kanila ang Hello, Love, Goodbye.

Sarah at Matteo, nag-iipon para sa bahay

New home for Christmas sa mag-asawang Matteo Guidicelli and Sarah Geronimo. Yes, lumipat na pala sila ng four-bedroom house  noon pang October 2020.  Bago iyon, ay nag-stay muna ang bagong kasal last February, 2020,  in a condo unit sa Makati City. Pero na-realize nilang maliit lamang ang lugar at they need a bigger one: “Mas mentally healthy for us, kasi may outdoor talaga, may garden.”

Sa vlog din ni Dra. Vicki Belo, ibinuking niya kung gaano katipid sa pamimili si Sarah, lahat ng ­presyo tinitingnan. Tawa raw nito, “hindi ako superstar mamili, super kuripot ako, careful lang.”

Dream pala ng mag-asawang Matteo at Sarah na makapagpatayo sila ng sariling bahay, kaya “kailangan naming mag-save.”

Lani, babalik sa The Clash

Muling mapapanood si Lani Misalucha sa The Clash Christmas Special: Pasko Para sa Lahat! ngayong Christmas day, pagkatapos ng 24 Oras.

Matatandaan na hindi natapos ni Lani ang duty niya as one of The Clash Panel ng The Clash Season 3 with Christian Bautista and AiAi delas Alas, dahil nagkasakit siya kaya pinalitan muna siya ni Concert Queen Pops Fernandez. Pero hindi na rin muna ito nakabalik hanggang sa matapos ang grand finals last Sunday, December 20.

Si Jessica Villarubin, ang Cebuana Diva ang tinanghal na The Clash Season 3 grand champion. Ang kanyang victory song entitled Ako Naman was extra special as it was composed by Christian himself. Inuwi ni Jessica ang P1 million in cash, a house and lot, a brand new car and an exclusive management contract with GMA Artist Center.

Pagkatapos ng Christmas special, wala munang episode ng Encantadia, na mapapanoood, sa halip, mapapanood na agad ang grand finale ng pinakahihintay na The Philippine Adaptation ng Korean Drama na The Descendants of the Sun nina Dingdong Dantes at Jennylyn Mercado, at nina Rocco Nacino at Jasmine Curtis Smith, at 9:20 p.m.