Kris, maluwag nang nakakahinga

Maluwag na ang dibdib ni Kris Aquino matapos makuha ang resulta ng swab test niya, mga anak, team, galing sa Makati Medical Center nitong nakaraang mga araw.

Lahat sila ay definitely negative ayon sa nakaraang post sa Instagram account ni Kris.

Kaya naman tuloy ang sabak niya sa 12-12-20 special event ng online shopping site ng endorsement niya at ang pamimigay niya ng Christmas giveaways.

Sa totoo lang, ngayong Pasko, tutumal tiyak ang mga regalo mula sa mga celebrity na taun-taon nilang ginagawa, huh!

Andrea, lumalim ang acting

Subsob muna sa trabaho si Andrea Torres. Mabuti na lang at kasama siya sa bagong Kapuso series na Legal Wives nang sa gayun, mapawi ang sakit na dulot ng hiwalayan nila ni Derek Ramsay.

Ayon sa staff ng show, tila naka-recover na naman si Andrea sa breakup. Masigla naman siya kapag walang take at focus sa pag-arte niya.

Napansin nga lang nila na tila mas lumalim ang husay niya sa pag-arte na ikinatutuwa naman nila.

‘Yun nga lang, malamig ngayon ang Pasko ni Andrea, huh!