Araw ng mga santo at kaluluwa, maraming may birthday

Maraming may birthday ngayong buwan ng November sa showbiz.

To name some : Both November 1st ang birthday nina Coco Martin at Winnie Cordero.

Coco turned 39, rating-wise bongga ang shows ng dalawa. Si Coco ang long running action series, FPJ’s Ang Probinsiyano, at ang kay Winnie, ang nagti-trending na Winner Sa Life.

Ate Vi, or Lipa City Congresswoman cum Star for All Seasons, Vilma Santos-Recto turned 67 naman last November 3.

Exactly 19 years old both ang kambal nina Aga at Charlene Gonzales-Muhlach last November 5.

And yesterday, November 7, guess whose birthday was it?

Our friend, Aaron Domingo, Media Relations Manager ng ABS-CBN.

And let’s all believe his claim that he is now exactly 27 years old.

Happy birthday, Aaron. Grae and Kira, pasisikatin

Guess kung sino ang mga new addition to the cast ng Book 2 of the trending series, Ang Sa Iyo Ay Akin, starring, among others, Jodi Sta. Maria, Iza Calzado, Sam Milby and the Diamond Star, Maricel Soriano, ang nagmamarka, kumbaga sa viewers?

Well, the new team-up ng mga baguhang stars (compared to their senior co-starrers) na sina Grae Fernandez at Kira Balinger.

Tall, balingkinitan ang pangangatawan, at medyo kayumanggi, Grae, 19, is already as good-looking as his Lolo, the late action star Rudy Fernandez.

Ipinanganak naman U.S. si Kira, 20, now speaks fluent Tagalog. Dati Inglesera siya to the max.

She was in the cast ng naudlot na teleseryeng Pamilya Ko, na kinailangang itigil, nang hindi na-approve ang renewal ng franchise ng ABS-CBN sa Kongreso.

Their co-stars sa Ang Sa Iyo Ay Akin, predict na a new loveteam will be born in them.

Another new to the cast is Joseph Marco.

Asked kung ano ang role niya sa series, ang maliksing sagot ni Joseph, “Well, kung ano lang ang inilaan nila sa akin.”

Rita kakaiba ang role

Husband and wife in real life, direk FM Reyes and Rita Avila are now working together for the first time in the series (ASIAA). But as Rita said: “Based sa script ng series, medyo kakaiba ang role ko rito, compared sa mga nagampanan ko na, na ang ilan ay dinirek din ni direk FM.

“And considering how good lahat ng co-stars ko rito, feel ko, I need to do my homework,” saad pa ni Rita.

Michele mag-aaral na lang ng abogasya

Nasaktan yatang masyado sa ‘di pagkapanalo bilang Miss Universe Philippines, na nakuha ni Miss Iloilo’s Rabiya Mateo, wala na raw balak si Michele Gumabao na Miss Quezon City, na sumali pa sa ibang beauty contest.

Sa halip, magku-concentrate na lang daw siya sa kanyang ibang advocacies, at iba pang endeavors, tulad ng pagiging newscaster, pagtuturo at ang balak niyang magpatuloy ng pag-aaral ng abogasya.

Well, good luck, Michelle!