MMFF 2020, mukhang hindi kikita
Maingay na maingay ang mga kalahok sa Metro Manila Film Festival (MMFF) tuwing papalapit na ang December, subalit ngayon ay wala man lang balita kung may nagsu-shooting na bang kasaling pelikula?
Paano nga naman mangyayari ‘yun eh may pandemya.
Saka kung meron man, paano panonoorin? Kailangan naka-face mask at naka-face shield ang manonood?
Ano ‘yun parang robot?
Hindi naman sa pagiging nega, pero parang malabong kumita ang MMFF 2020.
Mga rebelasyon ni BB hindi na pinag-iinteresan
Kasama ang showbiz sa nakararanas at apektado ng kahirapan ng buhay dala ng ‘pandemonic’ na COVID, na kasalukuyan pa ring sumasalakay.
Hindi kaya alam ni BB Gandanghari ang nararamdaman ng mga kapatid niya at buong giting na nagkukuwento pa siya ng kabaklaan niya?
Sabi ng iba, kung maligaya siya sa buhay niya ngayon, manahimik na lang at huwag nang mag-ingay ng ikasisira ng ibang tao.
Besides, hindi na interested sa kabaklaan ang mga tao, mas gusto nilang makatanggap ng ayuda o tulong pinansyal.
Direk FM at Rita, tambak ang alagang aso at pusa
Inspired at dedicated si direk FM Reyes sa teleseryeng tinututukan sa Kapamilya Channel, Ang Sa Iyo Ay Akin, sa mga empleyadong nawalan ng trabaho sa ABS-CBN.
Lubhang napapanahon ang istorya kung kaya naman tutok ang mga tagahanga and besides, pulos magagaling ang mga artistang nasa cast na sina Iza Calzado, Jodi Sta. Maria at Sam Milby, kung saan tampok din si Maricel Soriano.
Si direk FM ang husband ng aktres na si Rita Avila.
Sa isang pakikipagkuwentuhan namin sa mag-asawa, napansin nga pala naming parehong pet lover ang dalawa at may 15 cats and dogs silang alaga sa bahay.
- Latest
