Alden na-starstruck kay Bea!
After Kathryn Bernardo na nakasama niya sa box-office hit movie na Hello, Love, Goodbye, si Bea Alonzo naman ang gustong makatrabaho ni Alden Richards kung sakaling gagawa siya ulit ng bagong pelikula.
Ito ang sinabi ng Asia’s Multimedia Star last Friday sa virtual launching and presscon niya bilang pinakabagong Ambassador ng Cosmo Cee Vitamin C ng BFC Laboratories (Bargn Farmaceutici Co).
Nakatrabaho na ni Alden si Bea sa isang TV commercial recently at naging napakaganda ng feedback ng mga tao. Aminado ang binata na talagang na-starstruck daw siya sa Kapamilya star during the commercial shoot.
“Kasi siyempre, hindi naman po lingid sa kaalaman ng lahat na si Bea Alonzo po, idol ko po talaga silang dalawa ni John Lloyd (Cruz) sa movies and projects na ginagawa nila, so I was also starstruck when I first worked with her. And I’m very happy with the result and outcome po nun’g feedback du’n po sa endorsement namin together. Sana po, we can do other projects other than that,” sey ni Alden.
Masayang-masaya ang aktor na kahit pandemic ay sunod-sunod pa rin ang blessings na dumarating sa kanya especially nga ang mga endorsements, latest of which nga ay itong Cosmo Cee.
“Blessings lang po talaga lahat ng dumarating and I couldn’t be more happier with everything that’s happening kasi the more people that trust you, the more endorsements you get, mas marami kasi ‘yung pwede nating matulungan after that, eh,” aniya.
Tinanggap daw niya agad ang pagiging endorser ng CosmoCee dahil matagal na raw niyang dream na makapag-endorse ng Vitamin C na very timely pa sa panahon ngayon ng pandemic.
Ayon naman sa founders ng BFCLab na sina Nino Bautista at Red Gatus, si Alden ang napili nilang maging bagong Ambassador ng CosmoCee dahil ang aktor daw ang pinaka-perfect para rito.
“The brand and BFCLab are truly excited about partnering with Alden who is a perfect complement to the Cosmo Cee brand. He is authentic and truly committed to living the quintessential healthy lifestyle,” pahayag ni Mr. Bautista who is also the managing director of BFCLab.
Dagdag naman ni Mr. Gatus, “at Cosmo Cee, we are passionately dedicated to helping millions of people live a healthier and happier life. Alden is an example of what we stand for and will help inspire our communities to do so with the active lifestyle he embodies.”
Janine nanghinayang na ‘di nakabiyahe sa NY
Pasok nga ang movie ni Janine Gutierrez na Babae at Baril sa New York Asian Film Festival na magsisimula na sa August 28.
“Medyo bittersweet kasi I was really looking forward to going to the festival. First time ko sanang maka-attend ng film festival sa ibang bansa bilang artista. I was super excited but nonetheless, sobrang thankful pa rin na kami ‘yung magiging opening film representing the Philippines,” kuwento ng aktres.
Pressured din daw siya sa responsibilidad na gumanap ng isang babaeng sumasalamin sa mga pinagdadaanan ng kababaihan sa ating lipunan. Gayunman, proud siyang maging bahagi ng pelikulang nais iparating ang mensahe ng women empowerment.
Ang Babae At Baril ang isa sa mga pinag-usapang entry sa QCinema International Film Festival noong 2019 kung saan hinirang na Best Actress si Janine.
- Latest
