FDCP itinangging may kinalaman sa mga pelikulang Tagalog sa Netflix

MANILA, Philippines — Mahaba ang sagot sa amin ni Liza Diño nang tinext namin tungkol sa isyu ng Netflix.

May pasabog na naman kasi si direk Erik Matti na ipinost sa kanyang Facebook account kaugnay sa press release ng Film Development Council of the Philippines na kung saan may 15 films daw silang naipasok sa Netflix. Kinontra ito ng producers dahil sila raw ang nakipag-coordinate sa Netflix at walang kinalaman daw dito ang FDCP.

Paglilinaw ni Liza, hindi siya tumayong broker sa mga pelikulang ito.

Narito ang kabuuan ng kanyang pahayag kaugnay sa isyung ito ni direk Erik Matti. “FDCP is not involved in brokering deals. These are private business transactions among companies. FDCP participates in international film markets and showcase our local film markets and showcase our local film industry in the global arena. We hold events and B2B Meetings to introduce producers to international companies and stakeholders.

“In these events, we invite sales companies, distribution companies, film commissions, etc. para makilala nila ang mga local players natin. That includes producers, distributors, etc.

“From there, our local industry players build relationships with these companies and then diyan mag-start ang mga business transactions and negotiations.

“FDCP has maintained a very good relationship with Netflix and other streaming platforms. We collaborate on how we can support the industry as a whole. From policy intiatives, to distribution of more films on their platforms to providing capacity building programs for the filmmakers so they can meet the international technical standards.

“That’s how government works. Kaya tayo may trade events, international conferences, etc.

“FDCP also meets with these international companies to create a value proposition para mag-invest sila sa local market natin. Especially now that the DTI is putting priority in creative  industry sector, mas marami pang markets ang tinitingnan ng gobyerno para pag-exportan ng content natin.”

Alden nagmukhang Maglalatik

Aliw na aliw kami sa Bawal Judgmental episode sa Eat Bulaga noong nakaraang Sabado kung saan si Paolo Contis ang naglaro.

Ang choices doon ay theater performers kung saan nagpakitang-gilas ng ga­ling nila sa pag-arte na pang-entablado ganundin ang pagkanta.

Biniro ni Vic Sotto si Alden Richards kung siya ba ay magsasayaw ng Maglalatik.

Napansin daw ng writer niya, na ang asawang si Pauleen Luna ang tinutukoy niya na parang sasayaw ng Maglalatik ang suot niyang hoodie na combination ng white and red - parang naka-kamisa de chino na may pulang panyolito siyang suot.

Kaya naman todo kantiyaw si Alden ng Dabarkads na sinakyan naman niya nang bonggang-bongga.

Iyon nga ang nakakatuwa kay Alden dahil lalo siyang naging cute kapag pinagbibigyan ang kantiyaw ng  mga kasamahan niya sa Eat Bulaga.

Sinisi niya ang PA niyang si Mommy Tenten dahil iyon ang ipinasuot sa kanya. Pero bago mag-commercial pinalitan na ito ng black shirt, pero tuloy pa rin ang kantiyaw sa kanyang Maglalatik.

Hanggang sa natapos ang segment na iyon, tuluy-tuloy pa rin ang kantiyaw sa kanyang Maglalatik na tawa na lang nang tawa si Maine Mendoza.