Jasmine kinontra ang akusasyong makakaliwa ang aktor
Nakatanggap agad ng banat ang pagtatag ni Dingdong Dantes ng grupong AKTOR mula sa isang netizen.
Isa sa members si Jasmine Curtis-Smith kaya naman nang may isang netizen na nagpahayag na baka suportahan nito ang mga leftist group, inalmahan ni Jas. “Ito ay grupo para sa mga aktor, ‘wag n’yo bahiran ng kung ano man pang pag-iisip.
“Ito ay para sa amin at sa aming trabaho sa industriya. Salamat po.”
Zia nakatanggap ng halaman
Niregaluhan nina Rocco Nacino at girlfriend na volleyball player na si Melissa Gohing ng isang house plant si Zia Dantes.
Bumisita ang dalawa sa tahanan nina Dingdong at Marian (Rivera), eh may indoor plant business ang couple bilang pandagdag kita ngayong pandemya.
Nagpalasamat si Dong sa pagbisita ng co-star sa Descendants of the Sun at sa halaman na may common name na dumb cane o Dieffebachia.
Naniniwala naman sina Rocco at Melissa na may green thumb si Zia sa murang edad gaya ng ina niyang si Marian.
- Latest
