AiAi natulungan ng bashers!

Biglang lumobo sa isang milyon ang followers ni AiAi delas Alas sa Instagram.

Komento tuloy ng isang follower niya na tila kakilala rin ni Ai, “More Korean drama updates hehehe God bless you always.”

Tugon ng Comedy Queen, “Hahaha natawa ko dito hahanap ako babalitaan kita hehee.”

Nitong nakaraang mga araw, niratrat ng bullies si AiAi nang ilabas niya sa IG na hindi niya nagustuhan K-drama na The King : Eternal Monarch ni Lee Min Ho.

Bahagi ng caption ni Ai sa dumepensa sa kanya sa bullies, “Salamat sa inyong pagtatanggol pag may mga dumadaan or nanatiling nakamasid lang dito na ready mag bash hehe at mga kampon ng kasamaan sa ig ko.”

Pero hindi rason ang ginawa sa kanya para hindi manood ng series sa Netflix gaya ng huling pinanood na The Half Of It na kanyang nagustuhan.