Marian nag-ala ‘Super Ma’am’ sa bahay

Lumabas ang pagiging Super Ma’am ni Marian Rivera sa anak niyang si Zia Dantes. Ang Super Ma’am ang title ng huling Kapuso series ni Yan bago niya ipinanganak ang bunsong si Ziggy Dantes.

Sa isang Instagram post ni Dingdong Dantes, may litrato si Yan na tinuturuan ang panganay na si Zia na sumasagot sa iba’t ibang worksheet.

Simpleng “Super Ma’am” ang caption ni Dong sa litrato ng mag-ina.

Bukod sa pagiging super ma’am sa dalawang anak, bahagi si Marian ng programang Kindness Kitchen ng isang global food chain kung saan isa siya sa celebrity endorsers.

Ang fund raiser ay layuning maghanda ng 2,000 hot meals para sa marginalized barangays sa Quezon City next week.

Eh abala sa pagiging ina sa dalawang bata, bukas ang puso ni Yan sa pagtulong ngayong nasa enhanced community quarantine ang Metro Manila at Luzon.