Sarah pinakilig ang birthday ng asawa

Last Thursday, March 26 ay ika-30th birthday ni Matteo Guidicelli. Dahil sa enhanced community quarantine ay magkasama ang mag-asawang Sarah Geronimo at Matteo na nag-celebrate ng kaarawan ng huli sa loob ng kanilang bahay. 

Kaya naman napakialaman ni Sarah ang Instagram account ng kanyang mister at dito siya nag-post ng kanyang nakakakilig ng pagbati kay Matteo  kung saan ginamitan niya ito ng litrato ng singer-actor nung ito’y bata pa.

 “Happy birthday to my loving and caring husband. Kamukha mo si Lucho dito! Hehe. I love you mahal ko.” Si Lucho ay anak ng mag-asawang Judy Ann Santos at Ryan Agoncillo na kapwa malapit sa mag-asawang Sarah at Matteo.

Nagpasalamat naman si Matteo sa kanyang misis. “Thank you Mrs. Guidicelli for everything. First birthday with you as your husband and I will forever cherish every single day with you. These days has reminded me of how precious life really is. Family, friends, loved ones and everyone out there, thank you very much for the greetings!”

Last March 20 ay first month wedding anniversary nina Sarah at Matteo.

Anne gumalaw para makatulong sa frontliners

Kahit nasa Australia si Anne Curtis at ang mister na si Erwan Heussaff at ang kanilang bagong silang na baby na si Dahlia (last March 2), nagpaabot pa rin ito ng tulong sa ilang hospitals ng alcohol at disposable gloves sa pamamagitan ng kanyang sariling foundation, ang Dream Machine.

Nung nakaraang Huwebes, March 26, naghatid ang Dream Machine Foundation ng tigpi-fifty gallons ng alcohol at 3,000 pieces ng disposable gloves each sa apat na hospitals - Research Institute of Tropical Medicine ( RITM), San Lorenzo Hospital, Jose Rodriguez Memorial Hospital at Lung Center of the Philipines at saka nila isusunod ang iba pang government hospitals in Metro Manila.

Humihingi rin si Anne ng donasyon para sa United Nations Children’s Fund na kanyang kinakatawan sa Pilipinas bilang National Goodwill Ambassador.