James at Nancy may love angle na?!

Sumalang na sa acting workshop sina James Reid at Nancy ng grupong Momoland sa una nilang teleserye together after sumailalim sa look test.

Ipinasilip sa Instagram ng Dreamscape na nasa klase ang dalawa kasama ang acting coaches na sina Jose Cruz at Marjorie Lorico.

Preparasyon ito ng dalawa dahil ngayong buwan ang simula ng taping.

Mula ito sa direksyon ni Antoinette Jadaone na nakatrabaho na ni James sa On The Wings of Love.

Of course, no love angle sa promo ng series dahil pumalag na si James tungkol dito dahil para sa kanya, si Nadine Lustre lang ang ka-loveteam niya.

Teka, paano kaya kung may Tagalog lines si Nancy? At least si James, kahit baluktot magsalita ng Tagalog eh keri naman kung paminsan-minsan lang, huh!

Movie workers may working hours

Tagumpay si Liza Diño-Seguerra, Chairperson ng Film Development Council of the Philippines, nang pirmahan ng Labor Secretary Silvestre Bello ang joint memorandum circular para sa workers sa TV at movies.

May provision na circular na hindi puwedeng lumampas sa 16 hours ang oras ng trabaho at kailangang bayaran ng overtime ang mga ito kapag sumobra ang oras ng trabaho.

Ang working hours ng mga matatanda ay hindi dapat somobra sa 12 hours.

May fine na P100K ang violators ng circular pero walang imprisonment.

Siyempre, pro-labor ang ating Konstitusyon kaya kailangang sundin ito ng producers. Eh, sumunod naman kaya ang producers sa kautusang ito?

Naku, kung cut off nga ng malalaking artista eh hindi masyadong sumusunod, ito pa kayang paglimita ng oras?

Well, that remains to be see, huh!