James at Nadine mas piniling magsabi kay Boy Abunda

Ang bongga ng scoop ng Tonight with Boy Abunda, huh!

Kay Boy Abunda at sa kanyang late night show nga sa ABS-CBN ipinagkatiwala nina James Reid at Nadine Lustre ang announcement ng hiwalayan nila bilang mag-sweethearts.

Nag-live nga ang TWBA noong Monday night para sa scoop announcement na ‘yon tungkol sa relasyon ng JaDine. “It’s true that we have split up, but not for all the reasons that are being spread on the tabloids and social media, but because after quiet and mature conversations, we decided to focus on ourselves not only for our careers but more for our personal growth as we are still young and we want to achieve as much as we can.

“We agreed that going separate ways was best for both of us. We are in good terms and are still really good friends and will continue to work with each other especially when it comes to music.

“Thank you for all the JaDine fans for their undying support and we hope you continue to support us now and in the future. We shall forever be grateful to them for their love and understanding. Thank you.”

Ikinatuwa pa rin naman ng mga nagmamahal kina James at Nadine sa sinabi nila na “still really good friends” sila at will continue to work with each other lalo na pagdating sa music.

‘Yun naman ang maganda, ang maging friends pa rin ang ex-lovers at tigilan ang mga awayan, huh!

Samantala, bukas ay live na naman ang TWBA at guest ni Kuya Boy si Martin Nievera.

May ma-sccop din kaya sila kay Martin lalo na at magpo-promote ito ng Two-gether Again concert series nila sa The Theater at Solaire?

Sana!

Speaking of Pops, nakita ko sa schedule niya na magte-taping na on Thursday siya for Centerstage, ang talent show na iho-host ni Alden Richards.

Ang bongga rin ni Alden dahil sobrang busy at tatlo ang TV shows niya sa GMA-7, huh!

Jed at Angeline first time na magkasama sa major concert

Kahapon sa production meeting ng Voices For Love, bumilib na naman ako kina Jed Madela at Angeline Quinto dahil mas maaga pa silang dumating sa call time na ibinigay ko sa kanila.

Sey ng producer ng kanilang pre-Valentine concert dinner sa Marriott Grand Ballroom on February 12, sobrang bilib siya sa dalawa.

“Ang aaga n’yo. Nakakabilib naman kayo,” sey ni Bisaya kina Jed at Angeline.

Sagot ko naman, “Ano ang gusto mo, Tita, ‘yung maaga o palaging late?” at natawa ang Gutierrez matriarch.

Ang bongga nga ng Voices for Love nina Jed at Angeline dahil sa production meeting pa lang namin ay sobrang saya na.

Excited pareho sina Jed at Angeline dahil first time pala nila na magsasama sa isang major show na sila talaga ‘yung main performers.

Samantala, tsinika-tsika ko si Angeline at inusisa kung nagkita na ba sila ng co-Cornerstone artist niya na si Julia Montes.

“Nakita ko pa lang mga post niya, pero hindi ko pa siya nakikita,” sey ni Angeline.

Anak ni Waray… hinihintay na

Sa Friday na ang finale episode ng Beautiful Justice ng GMA-7 at magpa-pilot tele­cast naman on Monday ang Anak ni Waray Vs. Anak ni Biday.

Alam mo, Ateng Salve, excited ako sa comedy series na pagbibidahan nina Barbie Forteza, Kate Valdez at ng mga premyadong aktres na sina Snooky Serna at Dina Bonnevie.

From a Kapuso-insider, sinabi nito na aliw na aliw ang big bosses sa mga eksenang napanood na nila sa nasabing series.

Feel ko rin na magre-rate ang Anak ni Waray Vs. Anak ni Biday!

‘Yun na!