Catriona natupad ang pangarap kina Regine, Sarah at Moira!

Natupad ang Christmas wish ni Miss Universe 2018 Catriona Gray dahil nakasama niya sa isang stage ang mga hinahangaan niyang singers na sina Sarah Geronimo, Regine Velasquez, and Moira, at marami pang iba.

Nangyari ito sa naging Christmas special ng ASAP Natin ‘To noong nakaraang Sunday.

“So. Friggin. Kiliiiiiig. So honoured to share the stage with these amazing crazy talented Pinays,” post ni Cat sa Instagram.

Sa isa pang IG post: “Such a dream to share the stage with our talented country’s pride.”

Bukod sa pagiging isang beauty queen, dream din ni Catriona ang maging isang professional singer. Nakapagtapos ito ng isang music course sa Amerika.

Hindi lang siya singer kundi nagsusulat din siya ng songs.

Julie Anne sinulit ang winter Christmas

Christmas break ang Asia’s Pop Diva Julie Anne San Jose at kasama niyang nagbakasyon sa Japan ang kanyang buong pamilya.

December 20 sila umalis para ma-experience ang Winter Christmas sa Japan.

Deserve nga ni Julie ang magbakasyon dahil sagad-sagad ang trabaho niya sa TV. Host siya ng Studio 7 at The Clash Season 2. Sa 2020 ay host din siya sa All-Out Sunday musical variety show.

“Winter’s a fun time of the year; it has something that everyone loves - snowball fights, icicles and the magical snowflakes touching your cheeks and the list goes on. Seeing the snow for the first time has left me in complete awe, even more treasured with the fam.”

Nag-skiing sila sa Sapporo Teine Ski Resort, a recreational center in Teine-ku, Sapporo, Hokkaido, Japan.

Bagong Miss Universe nagkaroon ng pagkakataong mag-reflect!

After two weeks pa lang daw nag-sink in sa bagong koronang Miss Universe na si Zozibini Tunzi ang kanyang pagkapanalo.

December 8 pa kinoronahan ang South African beauty, at dahil sa sunud-sunod na interviews at meet-and-greets, hindi pa raw niya na-absorb ang shock ng pagkapanalo niya.

Noong magkaroon daw ng pagkakataon si Tunzi na mapag-isa at mag-reflect, bigla na lang daw itong umiyak dahil sa sobrang saya. “For the first time yesterday I set alone and I cried so much. I think I’ve been running on shock and adrenaline that I hadn’t really processed what has just happened in my life. I cried tears of joy playing over and over in my head when Steve announced SA as the new Miss Universe,” tweet pa ni Zozibini.