Angelica at Coco movie, kasado na!
Kasado na ang pelikulang pagsasamahan nina Angelica Panganiban at Coco Martin mula sa direksyon ni Mae Cruz-Alviar.
Isang romance-drama ang konsepto ng Angelica-Coco movie. Naganap na ang story conference kahapon.
“Ma, may movie na ako with Coco Martin. Sikat na ko ma!!!” caption ni Angge sa picture nila ni Coco sa Instagram.
Nadine sinayang ang chance kay Aga
Consistent ang pagigiging mahusay ni Aga Muhlach bilang isang amang mapagmahal sa anak pati ang pagkakaroon niya ng intellectual disability sa festival movie niyang Miracle in Cell No. 7.
Ang maganda pa sa pelikula, sinabayan si Aga ng magagaling ding mga aktor na lumabas na co-inmates siya. Ang gagaling nina Joel Torre, Mon Confiado, Jojit Lorenzo, JC Santos at Soliman Cruz.
Maging ang child star na si Xia Vigor, nakipagsabayan sa husay ni Aga, huh!
Nakakatuwa at nakakaiyak ang pelikula. Sure win nang tiyak si Aga bilang best actor at hindi kami magtataka kung may manalong best supporting actor ang isa sa inmates. May laban din si John Arcilla sa nasabing award bilang warden ng kulungan.
Si Bela Padilla ang pumalit kay Nadine Lustre nang lumaki ang bata. Parang alam na namin kung bakit siya kumalas sa movie.
Sayang nga lang ang pagkakataon makasama ni Nadine si Aga kahit maiksi lang ang role nang lumaki ang anak!
- Latest