Dimples maraming alam sa nangyari kay Julia

Pinaiyak ni Julia Montes si Dimples Romana sa sulat nito sa kaibigan nu’ng mag-guest sa Magandang Buhay nitong nakaraang mga araw.

“My Ate Dimples, happy, happy birthday. I miss you Ate,” saad sa sulat ni Julia habang mangiyak-ngiyak si Dimples.

“First siyempre happy ako that lahat ng dreams mo and ‘yung building nangyayari na, Kasi lagi akong naniniwala na pinagpala ang taong may mabuting hangarin.

“Keep inspiring us, especially thank you for inspiring me. I’m just here as your bebe Juls. I love you,” laman pa ng sulat.

Tugon naman ni Dimples sa sulat ng kaibigan, “I just miss her. Si Julia kasi masarap kakuwentuhan ‘yan eh. Alam mo napaka-sweet niyang bata.

“My connection with her, hindi na magbabago. Would message each other and I will always send her my love, and she would do the same. And she knows I’m just waiting.”

Naku, tiyak na maraming alam si Dimples sa dahilan ng pagkawala sa showbiz ni Julia, huh!

Engagement ring ni Sarah biglang bumida!

Ibinisto ng dating road manager ni Matteo Guidicelli na si Jerry Telan na taong 2014 nang simulan ng kanyang artist na pag-ipunan ang engagement ring na ibinigay niya kay Sarah Geronimo.

Sa Instagram post ng dating road manager, nagpapahanap si Matteo ng trabaho noon pa para sa singsing na ibinigay kay Sarah.

“So happy for Matteo. Flexing his perseverance 5 years in the making engagement proposal,” saad ni Jerry sa kanyang IG.

Naghiwalay na ng landas sina Matt at Jerry nang lumipat sa Viva Artist Agency ang soon-to-be husband ni Sarah. Si Jerry naman ay nasa Megasoft company na at namamalala sa mga event nito na hinu-host din niya.