Anak ni John Lloyd nagmana sa kanyang kaguwapuhan
Lutang na lutang ang kakisigan ng anak ni John Lloyd Cruz na si Elias Modesto sa litrato nilang magkasama na ibinahagi sa Instagram ng fans nina Lloydie at Bea Alonzo.
Matatandaang nu’ng unang birthday celebration ni Elias, binigyan siya ng bonggang selebrasyon ng kanyang mga magulang.
Ngayong nasisilayan na si JLC sa social media, abangers na ang fans niya sa tuluyan niyang pagpababalik sa showbiz matapos magpahinga nu’ng 2017.
AiAi namamahalan sa baby maker
Umatras na si AiAi de las Alas na sumailalim sa proseso na invitro para magbuntis next year.
Isina-alang-alang din ni Ai ang mangyayari sa bata kapag nahaluan na ng synthetic na gamot ang kanyang katawan.
“Di ba, organic ang kinakain ko? Pag nahaluan ng syntethic ang katawan ko, nagkakasakit ako. So ‘yun ang dahilan kaya hindi ko na muna itutuloy ang pagbubuntis ko,” saad ni AiAi.
Nag-aalala rin ang asawa niyang si Gerald Sibayan sa pagbubuntis niya lalo na kapag nilagyan na anesthesia ang katawan.
“Worried din siya. Alam niya ang lifestyle ko. Kaya hold muna ang pagbubuntis ko,” katwiran pa ng Comedy Queen.
Bakit hindi nila subukang kumuha ng surrogate mother na nauuso sa ilang celebrities? “Ayoko munang isipin ‘yan. Pag-uusapan naming mabuti ni Darl ‘yan. Tapusin ko muna ang mga trabaho at itong holidays.
“Siyempre, mahal ding kumuha ng baby maker, huh! At least ngayon, tanggal stress na sa aming mag-asawa ang plinano naming pagbubuntis ko!” diin ng Comedy Queen.
- Latest
