Carmina at Alfred balik-tambalan

Regular mainstay si Carmina Villarroel sa cooking show na Sarap ‘Di Ba? na napapanood every Saturday, sa GMA-7 at 10:45 am. Kasama niyang mag-host ang kambal nila ni Zoren Legapi, sina Mavvy at Cassy. Kaya hindi totoo na bumalik siya muli sa ABS-CBN. Mayroon lamang siyang gagawing digital movie doon para sa iWant, ang Wild Little Love na tampok si Andrea Brillantes.

Si Carmina ang gaganap na mother ni Andrea. Balik-tambalan sila ni actor-Cong. Alfred Vargas, na nakatambal niya noon sa Kambal-Karibal sa GMA-7. 

Kasama rin sa cast sina Criza Taa, Jin Macapagal at si Victor Neri. Sa direksyon ni Benedict Mique. 

Nagpasalamat naman si Carmina na kahit nasa Kapuso Network na siya, kinuha pa rin siya ng Kapamilya Network at thankful din siya sa GMA dahil pinayagan siya since hindi naman ito conflict sa ginagawa niya sa kanila.

Liezel bida sa One Hugot...

Muling gagawa ang GMA Public Affairs ng viral drama na One Hugot Away. Dalawang short films ang gagawin nila.

 Sa Monday, November 18, na mapapanood ang unang short film, ang Let Go Na na gagampanan ng alumna ng Starstruck 7 na si Liezel Lopez kung saan makakatambal niya si Kapuso young actor na si Ralph Noriega.

Mapapanood ang Let Go Na from November 18 to November 21, sa mga commercial gaps ng Kapuso Movie Festival, The Gift, at Sky Castle. Online, mapapanood ito sa GMA Network Facebook (www.facebook.com/GMANetwork) at sa YouTube (www.youtube.com/GMANetwork) Ang first part, ay mapapanood sa November 19, 5pm at sa November 22 ng tanghali ang part two.